കാർഷിക സമൃദ്ധിയിലേക്ക് നാടിനൊപ്പം എന്ന ആപ്തവാക്യവുമായി ഇരിങ്ങാലക്കുട നഗരസഭ – ഞാറ്റുവേല മഹോത്സവത്തിന്റെ മൂന്നാം ദിവസം വ്യാപാരി-വ്യവസായി സംഗമത്തിന്റെ ഉദ്ഘാടനം ടൗൺഹാളിൽ മുനിസിപ്പൽ ചെയർപേഴ്സൺ സുജ സഞ്ജീവ്കുമാർ നിർവ്വഹിച്ചു. ഒരു പ്രദേശത്തിന്റെ സാമൂഹിക- സാമ്പത്തികരംഗത്തെ വളർച്ചക്കായി വ്യാപാരീ – വ്യവസായികൾ നൽകുന്ന സംഭാവനകൾ ഏറെ വിശിഷ്ടമാണെന്ന് പേഴ്സണൽ അഭിപ്രായപ്പെട്ടു.

മുൻസിപ്പൽ വൈസ് ചെയർമാൻ ടി. വി. ചാർളി ചടങ്ങിൽ അദ്ധ്യക്ഷത വഹിച്ചു. നഗരസഭ കൗൺസിലർ പി.ടി. ജോർജ് വികസന കാര്യ സ്റ്റാന്റിംഗ് കമ്മിറ്റി ചെയർമാൻ ഫെനി എബിൻ വെള്ളാനിക്കാരൻ , ക്ഷേമകാര്യ സ്റ്റാന്റിംഗ് കമ്മിറ്റി ചെയർമാൻ സി.സി. ഷിബിൻ, ആരോഗ്യകാര്യ സ്റ്റാന്റിംഗ് കമ്മിറ്റി ചെയർമാൻ അംബിക പള്ളിപ്പുറത്ത്, പൊതുമരാമത്ത്കാര്യ സ്റ്റാന്റിംഗ് കമ്മിറ്റി ചെയർമാൻ ജെയ്സൺ പാറേയ്ക്കാടൻ മുനിസിപ്പൽ കൗൺസിലർ എം. ആർ. ഷാജു എന്നിവർ ചടങ്ങിൽ പങ്കെടുത്തു.

ജൂൺ 23 മുതൽ ജൂലൈ രണ്ട്‌ വരെയായി മുൻസിപ്പൽ ടൗൺ ഹാളിൽ നടത്തപ്പെടുന്ന ഞാറ്റുവേല മഹോത്സവത്തിൽ ആദര സംഗമങ്ങൾ, സാഹിത്യ സദസ്സുകൾ, കൃഷി സംബന്ധമായ സെമിനാറുകൾ, കലാപരിപാടികളും, ഫല വൃക്ഷ തൈകൾ, അലങ്കാര ചെടികൾ, പൂച്ചെടികൾ, വിവിധങ്ങളായ ഭക്ഷ്യ ഉല്പന്നങ്ങൾ, നാടൻ വിഭവങ്ങൾ, വിത്തുകൾ, തുണികൾ, ഇരുമ്പ് ഉല്പന്നങ്ങൾ, ചെറുപ്പക്കാല മിഠായികൾ, ചക്ക -മാങ്ങ ഉല്പന്നങ്ങൾ തുടങ്ങിയവയ്ക്കായി 50 ൽ പരം സ്റ്റാളുകളുമാണ് തയ്യാറാക്കിയിട്ടുളളത്.