തരിയോട് ഗ്രാമ പഞ്ചായത്തിലെ ചെന്നലോട് പോസ്റ്റോഫീസ് കൂവക്കല്‍പ്പടി റോഡ് ഉദ്ഘാടനം ഗ്രാമപഞ്ചായത്ത് ആരോഗ്യ വിദ്യാഭ്യാസ സ്ഥിരം സമിതി അധ്യക്ഷന്‍ ഷമീം പാറക്കണ്ടി ഉദ്ഘാടനം ചെയ്തു. വികസന സമിതി സെക്രട്ടറി കുര്യന്‍ പായിക്കാട്ട് അധ്യക്ഷത വഹിച്ചു.
മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയില്‍ ഉള്‍പ്പെടുത്തിയാണ് റോഡ് നിര്‍മ്മാണം പൂര്‍ത്തിയാക്കിയത്. ഓവര്‍സിയര്‍ ഫാത്തിമത്ത് റിഷാന ഷെറിന്‍, പ്രദേശവാസികളായ ജോസ് മുട്ടപ്പള്ളി, അബു പുത്തൂര്‍, സിബി കൂവക്കല്‍, അനൂപ് പാറക്കുടി, മുബീന സുനീര്‍, റിബിന്‍ പാറക്കുടി, റിസാനത്ത് ജലീല്‍, ഷൈനി കൂവക്കല്‍ തുടങ്ങിയവര്‍ സംസാരിച്ചു.