സംസ്ഥാന പിന്നാക്ക വിഭാഗ വികസന കോർപ്പറേഷൻ 2021-22 സാമ്പത്തിക വർഷത്തിലെ ലാഭവിഹിതമായ ആറ് കോടി രൂപ മുഖ്യമന്ത്രി പിണറായി വിജയന് കൈമാറി. പട്ടികജാതി പട്ടികവർഗ പിന്നാക്കക്ഷേമ മന്ത്രി കെ. രാധാകൃഷ്ണന്റെ സാന്നിധ്യത്തിൽ കോർപ്പറേഷൻ ചെയർമാൻ അഡ്വ. കെ. പ്രസാദും മാനേജിംഗ് ഡയറക്ടർ എൻ ദേവിദാസുമാണ് തുക കൈമാറിയത്.

വിവിധ വായ്പാ പദ്ധതികളിലൂടെ 2021-22 സാമ്പത്തിക വർഷം 713 കോടി രൂപയുടെ വായ്പാ ധനസഹായം സംസ്ഥാനത്തെ പിന്നാക്ക മതന്യൂനപക്ഷ വിഭാഗങ്ങളിൽപ്പെട്ട 67599 കുടുംബങ്ങൾക്ക് കോർപ്പറേഷൻ അനുവദിച്ചിട്ടുണ്ട്. 2021-22 സാമ്പത്തിക വർഷത്തെ ആകെ വരുമാനം 102.41 കോടി രൂപയാണ്. ഈ വർഷം 68.76 കോടി രൂപ ലാഭം നേടി. 2022-23 സാമ്പത്തിക വർഷം 795.22 കോടി രൂപ 67877 ഗുണഭോക്താക്കൾക്കായി വായ്പ വിതരണം ചെയ്തു.