കേരളം നാളിതുവരെ നേടിയ നേട്ടങ്ങളുടെ പ്രദർശനവുമായി നവംബർ ഒന്നു മുതൽ ഏഴുവരെ തിരുവനന്തപുരം നഗരത്തിൽ സംസ്ഥാനസർക്കാർ ഒരുക്കുന്ന കേരളീയം പരിപാടിയുടെ പ്രചാരണാർഥം കേരളീയം സംഘാടകസമിതി ഒരുക്കുന്ന ഡാൻസ് വൈബ്സ് നാളെയും മറ്റന്നാളും നഗരത്തിൽ വിവിധ കേന്ദ്രങ്ങളിൽ അരങ്ങേറും. നാളെ ഉച്ചകഴിഞ്ഞു 3.25ന് യൂണിവേഴ്സിറ്റി കോളജ്, 4.30ന് കളക്ടറേറ്റ്, 5.30ന് കനകക്കുന്ന് എന്നിവിടങ്ങളിൽ അരങ്ങേറും. ബുധനാഴ്ച ഉച്ചകഴിഞ്ഞ് 3.25ന് പൂജപ്പുര എൽ.ബി.എസ്, 4.15ന് തമ്പാനൂർ, 5.00 കിഴക്കേകോട്ട ബസ് സ്റ്റാൻഡ് എന്നിവിടങ്ങളിലായിരിക്കും ഡാൻസ് വൈബ്സ് അരങ്ങേറുക.