ഓവര്‍സിയര്‍ നിയമനം

മാനന്തവാടി ബ്ലോക്ക് പഞ്ചായത്ത് എല്‍.എസ്. ജി.ഡി സബ് ഡിവിഷന്‍ ഓഫീസിലേക്ക് ഓവര്‍സീയര്‍ തസ്തികയിലേക്ക് താത്ക്കാലിക അടിസ്ഥാനത്തില്‍ നിയമനം നടത്തുന്നു. എല്‍.എസ്. ജി.ഡി എഞ്ചിനീയറിംഗ് വിഭാഗത്തില്‍ പ്രവൃത്തി പരിചയമുള്ളവര്‍ക്കും മാനന്തവാടി ബ്ലോക്ക് പഞ്ചായത്ത് പരിധിയില്‍ സ്ഥിര താമസമുള്ളവര്‍ക്കും മുന്‍ഗണന. താല്‍പര്യമുള്ളവര്‍ ബയോഡാറ്റ, സര്‍ട്ടിഫിക്കറ്റിന്റെ പകര്‍പ്പ് എന്നിവ സഹിതം ഡിസംബര്‍ 18 ന് രാവിലെ 11.30 ന് ബ്ലോക്ക് പഞ്ചായത്ത് ഓഫീസില്‍ നടക്കുന്ന കൂടിക്കാഴ്ചയ്ക്ക് ഹാജാരാകണം. ഫോണ്‍: 04935 240298.

സൈക്കോളജി അപ്രന്റീസ് നിയമനം

ജീവനി പദ്ധതിയുടെ ഭാഗമായി കല്‍പ്പറ്റ എന്‍.എം.എസ്.എം ഗവ. കോളേജില്‍ മെന്റല്‍ അവയര്‍നെസ് പ്രോഗ്രാമിന്റെ ഭാഗമായി സൈക്കോളജി അപ്രന്റീസിനെ നിയമിക്കുന്നു. എന്‍.എം.എസ്.എം. ഗവ. കോളേജ് ഹോംസ്റ്റേഷനായും സുല്‍ത്താന്‍ ബത്തേരി സെന്റ് മേരീസ് കോളേജ്, മുട്ടില്‍ ഡബ്ല്യു.എം.ഒ. ആര്‍ട്‌സ് ആന്റ് സയന്‍സ് കോളേജുകളില്‍ അധിക ചുമതലയോടും കൂടിയാണ് നിയമനം. ഡിസംബര്‍ 20 ന് രാവിലെ 11 ന് എന്‍.എം.എസ്.എം ഗവ. കോളേജില്‍ കൂടിക്കാഴ്ച നടക്കും. സൈക്കോളജിയില്‍ ബിരുദാനന്തര ബിരുദമാണ് യോഗ്യത. താല്‍പര്യമുള്ള ഉദ്യോഗാര്‍ത്ഥികള്‍ യോഗ്യതയുടെ രേഖകള്‍, അസലും പകര്‍പ്പും സഹിതം കൂടിക്കാഴ്ചക്ക് എത്തിച്ചേരണം. ഫോണ്‍: 04936 204569.