ആലപ്പുഴ: കർഷക പങ്കാളിത്തത്തിലൂന്നിയുള്ള വികേന്ദ്രീകൃത സമീപനത്തിലൂടെ ഗുണമേൻമയുള്ള തൈകൾ ഉല്പാദിപ്പിച്ച് വിതരണം ചെയ്യുന്നതിനുള്ള ഒരു പദ്ധതി കേന്ദ്ര തോട്ടവിള ഗവേഷണ സ്ഥാപനം സംസ്ഥാന കൃഷി വകുപ്പിന്റെ സഹായത്തോടെ കേരളത്തിലെ വയനാട്, ഇടുക്കി, എന്നിവയൊഴിച്ച് ബാക്കി എല്ലാ ജില്ലകളിലും നടപ്പിലാക്കി വരികയാണ്. ജനിതകമേന്മയുള്ള തെങ്ങിന്റെ മാതൃവൃക്ഷങ്ങൾ കർഷകരുടെ കൃഷിയിടങ്ങളിൽ തന്നെ കണ്ടെത്തി അവ പ്രയോജനപ്പെടുത്തിക്കൊണ്ട് കുറിയ ഇനത്തിൽപ്പെട്ടതും സങ്കരയിനത്തിൽപ്പെട്ടതുമായ തെങ്ങിൻ തൈകൾ ഉൽപാദിക്കുന്നതിനായി എല്ല ജില്ലകളിലും കേര കർഷക കൂട്ടായ്മകളുടെ സഹായത്തോടെ വികേന്ദ്രീകൃത കേര നഴ്‌സറികൾ ആരംഭിക്കുന്നതിന് ഈ പദ്ധതി ലക്ഷ്യമിടുന്നു. തെങ്ങിന്റെ കുറിയ ഇനങ്ങളുടെ മാതൃവ്യക്ഷങ്ങൾ തങ്ങളുടെ തെങ്ങിൽ തോട്ടത്തിൽ ലഭ്യമാണെങ്കിൽ അവയുടെ വിവരം തൊട്ടടുത്ത കൃഷിഭവനിൽ അറിയിക്കണം. ഈ പദ്ധതിയുടെ ഭാഗമായി ജില്ലയിൽ പ്രവർത്തിക്കുന്ന പ്രൊജക്ട് എക്‌സിക്യൂട്ടീവ് എസ്.സുനൈനയെ വിളിച്ചും വിവരം അറിയിക്കാം. ഫോൺ: 8129511722.
