സ്റ്റേറ്റ് ന്യൂട്രീഷ്യൻ ആന്റ് ഡയറ്റ് റിലേറ്റഡ് ഇന്റർവെൻഷൻ പ്രോഗ്രാമിന്റെ ഭാഗമായി ജില്ലാതല ഭക്ഷണ പോഷണ പ്രദർശനം, സെമിനാർ, ക്വിസ് മത്സരം, പോസ്റ്റർ പ്രദർശനം എന്നിവ സംഘടിപ്പിച്ചു. പാലക്കാട് കാണിക്കമാത കോൺവെന്റ് ഇ.എം.ജി.എച്ച്.എസിൽ നടന്ന പരിപാടി ജില്ലാ എഡ്യുക്കേഷൻ മീഡിയ ഓഫീസർ ഇൻ ചാർജ് ആൽജോ സി. ചെറിയാൻ ഉദ്ഘാടനം ചെയ്തു. സ്‌കൂൾ പ്രിൻസിപ്പാൾ സിസ്റ്റർ ടെസീന സി.എം.സി. പ്രഭാഷണം നടത്തി.
ജില്ലാ ആശുപത്രി ഡയറ്റീഷ്യൻ ഫൗസിയ മഡാല സെമിനാറിന് നേതൃത്വം നൽകി. ആലത്തൂർ താലൂക്ക് ആശുപത്രി ഡയറ്റിഷ്യൻ എം.എസ്. അതുല്യ ക്വിസ് നയിച്ചു. അധ്യാപിക എസ്. അമൃത, ഡെപ്യൂട്ടി ജില്ലാ എഡ്യുക്കേഷൻ മീഡിയ ഓഫീസർ ടി.എസ് സുബ്രഹ്മണ്യൻ, ഹെൽത്ത് ക്ലബ് കോ-ഓർഡിനേറ്റർ പി.സി. സജ, അധ്യാപിക ജെ. സിമി എന്നിവർ സംസാരിച്ചു. അധ്യാപകരും വിദ്യർഥിനികളും പങ്കെടുത്തു.