കേരളം വൈക്കം വിജലക്ഷ്മിയെ ചേർത്തു നിർത്തുമെന്ന് മുഖ്യമന്ത്രി പിണറായി വിജയൻ പറഞ്ഞു. നവ കേരള സ്ത്രീസദസ്സിൽ വിജയലക്ഷ്മി ഉന്നയിച്ച വിഷയത്തിൽ മറുപടി പറയുകയായിരുന്നു മുഖ്യമന്ത്രി.

കാഴ്ച പരിമിതി നേരിടുന്ന തനിക്കും തന്നെപോലുള്ള മറ്റുള്ളവരുടെയും എക്കാലത്തെയും വലിയ സ്വപനമാണ് സ്വന്തം കണ്ണിലൂടെ ലോകത്തെ കാണുക എന്നുള്ളത്. കേൾവി നഷ്ടമായവർക്ക് അത് തിരികെ ലഭിക്കുന്നതിനുള്ള പദ്ധതികൾക്ക് സമാനമായി തങ്ങൾക്ക് ഉപകരിക്കുന്ന ഒരു പദ്ധതിക്ക് സാധ്യതയുണ്ടോ എന്നായിരുന്നു നവകേരള സ്ത്രീ സദസ്സിൽ ഗായിക വൈക്കം വിജയലക്ഷ്മിയുടെ ഉന്നയിച്ച ചോദ്യം.

കാഴ്ച തിരികെ നൽകാൻ കഴിയുമോ എന്ന് ഇപ്പോൾ ഉറപ്പ് പറയുന്നില്ല. എന്നാൽ വിജയലക്ഷ്മിയുടെ ആവശ്യത്തിനൊപ്പം കേരളമുണ്ടെന്ന് മുഖ്യമന്ത്രി പറഞ്ഞത് കരഘോഷത്തോടെയാണ് സദസ് സ്വീകരിച്ചത്.