കിലയും തദ്ദേശ സ്വയം ഭരണ വകുപ്പും സംയുക്തമായി നടത്തുന്ന ബാല -ബാലിക, മഹിളാ സഭ ദ്വിദിന പരിശീലനം മാനന്തവാടി ബ്ലോക്ക് പഞ്ചായത്തില്‍ സംഘടിപ്പിച്ചു. സ്ത്രീകളുടെയും, കുട്ടികളുടെയും പ്രശ്നങ്ങള്‍ ചര്‍ച്ച ചെയ്യുന്നതിനും പരിഹരിക്കുന്നതിനുമുള്ള വേദിയാണ് ബാല- ബാലിക, മഹിളാ സഭകള്‍. ട്രൈസം ഹാളില്‍ നടന്ന പരിപാടി ബ്ലോക്ക് പഞ്ചായത്ത് പ്രസിഡന്റ് ജസ്റ്റിന്‍ ബേബി ഉദ്ഘാടനം ചെയ്തു.
ബ്ലോക്ക് പഞ്ചായത്ത് വൈസ് പ്രസിഡന്റ് എ.കെ ജയഭാരതി അധ്യക്ഷയായ പരിപാടിയില്‍ കില ജില്ലാ ഫെസിലിറ്റേറ്റര്‍ പിടി ബിജു, കില റിസോഴ്സ് പേഴ്സണ്‍മാരായ പി.എ തോമസ്, സി.കെ ദിനേശന്‍, കെ.വി ജുബൈര്‍, എസ് അപര്‍ണ, റഫ്ദാന്‍, കിലതീമറ്റിക് എക്സ്പെര്‍ട്ട് നീതു ജോണി തുടങ്ങിയവര്‍ ക്ലാസെടുത്തു. ബ്ലോക്ക് പഞ്ചായത്ത് സ്റ്റാന്റിംഗ് കമ്മിറ്റി ചെയര്‍പേഴ്സണ്‍ സല്‍മ മോയിന്‍, മെമ്പര്‍മാരായ പി ചന്ദ്രന്‍, പി.കെ അമീന്‍, ബി.എം വിമല, ജോയ്‌സി ഷാജു, വി.ബാലന്‍ തുടങ്ങിയവര്‍ സംസാരിച്ചു.