ജനാധിപത്യ ഇന്ത്യയുടെ ഏറ്റവും വലിയ ശക്തിയും കവചവുമാണ് ഭരണഘടനയെന്ന് ബെന്നി ബെഹനാന്‍ എം. പി. എറണാകുളം നെഹ്‌റു യുവ കേന്ദ്ര കാലടി ആദി ശങ്കര എഞ്ചിനീയറിംഗ് കോളേജില്‍ നടത്തിയ യൂത്ത് പാര്‍ലമെന്റ് ഉദ്ഘാടനം ചെയ്യുകയായിരുന്നു അദ്ദേഹം. പാര്‍ലമെന്റിന്റെ പ്രവര്‍ത്തന രീതികള്‍ യുവ ജനങ്ങളിലേക്ക് എത്തിക്കുക എന്ന ലക്ഷ്യത്തോടെയാണ് പരിപാടി സംഘടിപ്പിച്ചത്.
കാലടി ഗ്രാമ പഞ്ചായത്ത് പ്രസിഡന്റ് ഷൈജന്‍ തോട്ടപ്പിള്ളി അധ്യക്ഷത വഹിച്ച പരിപാടിയില്‍ നെഹ്‌റു യുവ കേന്ദ്ര ജില്ലാ യൂത്ത് ഓഫീസര്‍ വിവേക് ശശിധരന്‍ സ്വാഗത പ്രസംഗം ചെയ്തു. വാര്‍ഡ് മെമ്പര്‍ കെ.ടി. എല്‍ദോസ്, കോളേജ് പ്രിന്‍സിപ്പല്‍ എം.എസ്. മുരളി, എന്‍.എസ്.എസ് പ്രോഗ്രാം ഓഫീസര്‍ സിജോ ജോര്‍ജ് എന്നിവര്‍ സംസാരിച്ചു. എറണാകുളം ജില്ലയിലെ വിവിധ കോളേജിലെ വിദ്യാര്‍ത്ഥികള്‍ പങ്കെടുത്ത പരിപാടിയുടെ ഭാഗമായി സംവാദം, മോക്ക് പാര്‍ലമെന്റ്, ക്വിസ് മത്സരം എന്നിവ സംഘടിപ്പിച്ചു.