കൈമനം സർക്കാർ വനിത പോളിടെക്നിക് കോളജിലെ 2024-25 അധ്യയന വർഷത്തെ ത്രിവത്സര ഡിപ്ലോമ കോഴ്സുകളിൽ മൂന്നാം സെമസ്റ്ററിലേക്ക് ലാറ്ററൽ എൻട്രി പ്രകാരം ഒഴിവുള്ള സീറ്റുകളിലേക്ക് സ്പോട്ട് അഡ്മിഷൻ ജൂലൈ എട്ടിന് തിങ്കളാഴ്ച സ്ഥാപനത്തിൽ നടക്കും. രജിസ്ട്രേഷൻ രാവിലെ ഒമ്പത് മുതൽ 11 വരെ. റാങ്ക് ലിസ്റ്റിൽ ഉൾപ്പെട്ടിട്ടുള്ളവർക്കും ഇനിയും അപേക്ഷ സമർപ്പിക്കാത്തവർക്കും അന്നേ ദിവസം അപേക്ഷ സമർപ്പിച്ച് കൗൺസിലിങ്ങിൽ പങ്കെടുക്കാം.

പങ്കെടുക്കുന്നവർ അസൽ സർട്ടിഫിക്കറ്റുകൾ ഹാജരാക്കണം. അഡ്മിഷൻ ലഭിക്കുകയാണെങ്കിൽ ഫീസിന് പുറമെ സ്‌പെഷ്യൽ ഫീ  10000 രൂപ കൂടി ഡിജിറ്റൽ  പേയ്മെന്റ് വഴി ഒടുക്കണം. ഒരു ലക്ഷത്തിൽ താഴെ വരുമാനമുള്ള എല്ലാ വിഭാഗക്കാർക്കും എസ്.സി/എസ്.ടി/ഒബിസി വിഭാഗക്കാർക്കും അർഹമായ ഫീസിളവ് ലഭിക്കും. പിടിഎ ഫണ്ട് പണമായി നൽകേണ്ടതാണ്. അഡ്മിഷന് വിദ്യാർഥിയോടൊപ്പം രക്ഷകർത്താവ് ഹാജരാകണം. കൂടുതൽ വിവരങ്ങൾക്ക്: www.polyadmission.org/let.