പട്ടാമ്പി മിനിമാസ്റ്റ ഹൈമാസ്റ്റ ലൈറ്റ് പദ്ധതി നടപ്പാക്കുന്നതുമായി ബന്ധപ്പെട്ട് തിരുവേഗപ്പുറ പഞ്ചായത്തില് ഉള്പ്പെടുത്തേണ്ട സ്ഥലങ്ങളുടെ ലിസ്റ്റ ഉടനെ ലഭ്യമാക്കാന് മുഹമ്മദ് മുഹ്സിന് എം.എല്.എ പട്ടാമ്പി താലൂക്ക് വികസനസമിതി യോഗത്തില് ഉദ്യോഗസ്ഥര്ക്ക് നിര്ദേശം നല്കി. അറ്റകുറ്റപണി നടക്കുന്ന പട്ടാമ്പി പുലാമന്തോള് റോഡിലൂടെ ചെറിയ വാഹനങ്ങള്ക്ക് യാത്ര സാധ്യമാണെന്ന് പി.ഡബ്ലിയു.ഡി അധികൃതര് യോഗത്തില് അറിയിച്ചു. ലൈഫ് മിഷന് ഭവന പദ്ധതിയുടെ ഗുണഭോക്താക്കളില് റേഷന് കാര്ഡ് ലഭിക്കാന് ബാക്കിയുള്ളവരുടെ ഗുണഭോക്തൃലിസ്റ്റ് പഞ്ചായത്തുകളില്നിന്നും നല്കിയാലുടന് കാര്ഡ് ലഭ്യമാക്കുമെന്ന് സിവില് സപ്ലൈസ് അധികൃതര് യോഗത്തില് അറിയിച്ചു. അനധികൃത കൈയേറ്റങ്ങള് തടയുക, കൂറ്റനാട് തണ്ണീര്കോട്, കൂറ്റനാട് പടിഞ്ഞാറങ്ങാടി റോഡുകളുടെ അറ്റകുറ്റപണി പൂര്ത്തിയാക്കല് മുതുതല പരുതൂര് റോഡ് വീതി കൂട്ടല്, കൂറ്റനാട് സെന്ററില് സിഗ്നല് സ്ഥാപിക്കല്, സീബ്ര ക്രോസിങ് പുനഃസ്ഥാപിക്കല് തുടങ്ങിയവ യോഗത്തില് ചര്ച്ച ചെയ്തു. പട്ടാമ്പി താലൂക്ക് മിനി സിവില്സ്റ്റേഷന് കോണ്ഫറന്സ് ഹാളില് ചേര്ന്ന യോഗത്തില് തിരുവേഗപ്പുറ ഗ്രാമപഞ്ചായത്ത് പ്രസിഡന്റ് ടി.പി. ശാരദ അധ്യക്ഷയായി. പട്ടാമ്പി തഹസില്ദാര് സി.ആര് കാര്ത്ത്യായനി, ഡെപ്യൂട്ടി തഹസില്ദാര് വി.പി സെയ്തുമുഹമ്മദ്, ഉദ്യോഗസ്ഥര്, രാഷ്ട്രീയപ്പാര്ട്ടി പ്രതിനിധികള് യോഗത്തില് പങ്കെടുത്തു.
