നവകേരളം സിറ്റിസണ് റെസ്പോണ്സ് പ്രോഗ്രാം വികസന ക്ഷേമ പഠന പരിപാടിയുടെ ഭാഗമായി, മണ്ണാര്ക്കാട് മണ്ഡലത്തിലെ കര്മ്മ സേനാംഗങ്ങള്ക്കുള്ള ദ്വിദിന പരിശീലന പരിപാടിക്ക് അഗളി കില സെന്റര് ഫോര് ട്രൈബല് ഡെവലപ്മെന്റ് ആന്ഡ് നാച്ചുറല് റിസോഴ്സ് മാനേജ്മെന്റില് തുടക്കമായി. അഗളി, പുതൂര്, ഷോളയൂര് എന്നീ ഗ്രാമ പഞ്ചായത്തുകളിലെ കര്മ്മ സേനാംഗങ്ങള്ക്കാണ് ആദ്യ ദിനം പരിശീലനം നല്കിയത്.
ജനങ്ങളില് നിന്ന് വികസന നിര്ദ്ദേശങ്ങളും ക്ഷേമ പദ്ധതികള് സംബന്ധിച്ച അഭിപ്രായങ്ങളും ആശയങ്ങളും ലഭ്യമാക്കുന്നതിനും, പ്രാദേശികമായി വികസന ആവശ്യങ്ങള് മനസ്സിലാക്കി ആസൂത്രണം നടത്തുന്നതിനുമായി അഭിപ്രായങ്ങള് സമാഹരിക്കുകയാണ് നവകേരളം സിറ്റിസണ് റെസ്പോണ്സ് പരിപാടിയുടെ ലക്ഷ്യം. ഇതിന്റെ തുടര്ച്ചയായി ഇന്ന് (ജനുവരി 1) മുതല് 31 വരെ കര്മ്മ സേനാംഗങ്ങളുടെ നേതൃത്വത്തില് ഗൃഹ സന്ദര്ശനവും നടക്കും. പരിപാടിയില് മണ്ഡലതല ചാര്ജ്ജ് ഓഫീസര് ആര് ശ്രീതാര ആമുഖ പ്രസംഗം അവതരിപ്പിച്ചു. കില റിസോഴ്സ് പേഴ്സണ്മാരായ ശ്രീനിവാസന്, ഹസ്സന് മുഹമ്മദ്, പ്രതാപന്, കെ വിജയന്, തീമാറ്റിക് എക്സ്പേര്ട്ട്മാരായ വസന്താമണി, ബിബിത എന്നിവര് വിശദീകരണം നല്കി. 47 കര്മ്മ സേനാംഗങ്ങള് പങ്കെടുത്തു.