സംസ്ഥാന സര്ക്കാര് സംഘടിപ്പിക്കുന്ന ചീഫ് മിനിസ്റ്റേഴ്സ് മെഗാ ക്വിസ് മത്സരത്തിലെ സ്കൂള്തല വിദ്യാഭ്യാസജില്ലാതല മത്സരം വിവിധ കേന്ദ്രങ്ങളില് സംഘടിപ്പിച്ചു. വിമലഹൃദയ ഹൈസ്കൂളില് രണ്ടുപേര് അടങ്ങുന്ന 187 ടീമുകള് പങ്കെടുത്ത മത്സരത്തില് ജിഎച്ച്എസ്എസ് അയ്യന്കോയിക്കല് സ്കൂളിലെ എട്ടാം ക്ലാസ് വിദ്യാര്ത്ഥിയായ എ.ആര്.മീനാക്ഷി, പത്താം ക്ലാസ് വിദ്യാര്ത്ഥിയായ ശ്രീറാം ഹരികുമാര് എന്നിവര് അടങ്ങുന്ന ടീം ഒന്നാമതായി. എന്എസ്എസ് എച്ച്എസ്എസ് പ്രാക്കുളം സ്കൂളിലെ പ്ലസ് വണ് വിദ്യാര്ഥിയായ എസ്.ആര്. ചിത്തിര, എട്ടാം ക്ലാസ് വിദ്യാര്ത്ഥിയായ എസ്.ആര്. ചൈത്രേഷ് എന്നിവര് അടങ്ങിയ ടീം രണ്ടാം സ്ഥാനവും നേടി.
പുനലൂര് വിദ്യാഭ്യാസ ജില്ലാതല മത്സരം സെന്റ് ഗൊറേറ്റി എച്ച്.എസിലും കൊട്ടാരക്കര വിദ്യാഭ്യാസ ജില്ലാതലമത്സരം സര്ക്കാര് എച്ച്.എസ്.എസ് ആന്ഡ് വി.എച്ച്.എസ്.എസിലും സംഘടിപ്പിച്ചു. കൊട്ടാരക്കര വിദ്യാഭ്യാസ ജില്ലയില് 119 ടീമുകള് പങ്കെടുത്ത മത്സരത്തില് പുത്തൂര് സര്ക്കാര് ഹൈസ്കൂളിലെ ഒമ്പതാം ക്ലാസ് വിദ്യാര്ത്ഥികളായ ആര്. നിള, പ്രണവ് പ്രദീപ് എന്നിവര് ഒന്നാം സ്ഥാനവും തലച്ചിറ സര്ക്കാര് ഹൈസ്കൂള് എട്ടാം ക്ലാസ് വിദ്യാര്ത്ഥിയായ അനിന്.കെ.അനീഷ്, പത്താം ക്ലാസ് വിദ്യാര്ത്ഥിയായ സന ഫാത്തിമ രണ്ടാം സ്ഥാനവും കരസ്ഥമാക്കി.
പുനലൂര് വിദ്യാഭ്യാസ ജില്ലയില് 97 ടീമുകള് പങ്കെടുത്ത മത്സരത്തില് സര്ക്കാര് ഏരൂര് എച്ച്എസ്എസിലെ പത്താം ക്ലാസ് വിദ്യാര്ത്ഥികളായ എസ്.എസ് അഭിനവ്, എം.എസ് വര്ഷ എന്നിവര് ഒന്നാം സ്ഥാനം നേടി. സര്ക്കാര് ചടയമംഗലം എംജിഎച്ച്എസ്എസിലെ ഒന്പതാം ക്ലാസ് വിദ്യാര്ത്ഥികളായ എസ് മാധവ് കൃഷ്ണ, എസ് മിഥുന് കൃഷ്ണ എന്നിവര് രണ്ടാം സ്ഥാനവും കരസ്ഥമാക്കി.
ഫെബ്രുവരി മൂന്നാം വാരമാണ് ചീഫ് മിനിസ്റ്റേഴ്സ് മെഗാക്വിസ് ഗ്രാന്ഡ് ഫിനാലെ. സ്കൂള്തല ഫൈനല് മത്സരത്തില് ഒന്നാം സ്ഥാനം നേടുന്നവര്ക്ക് അഞ്ച് ലക്ഷം രൂപയും രണ്ടാം സ്ഥാനക്കാര്ക്ക് മൂന്ന് ലക്ഷം രൂപയും മൂന്നാം സ്ഥാനക്കാര്ക്ക് രണ്ട് ലക്ഷം രൂപയുമാണ് സമ്മാനത്തുക.പങ്കെടുക്കുന്ന എല്ലാ വിദ്യാര്ഥികള്ക്കും പ്രശസ്തിപത്രവും മെമന്റോയും നല്കും.