പൊന്നാനി സ്ത്രീകളുടെയും കുട്ടികളുടെയും ആശുപത്രിയില്‍ ഡോക്ടര്‍, അനസ്തേഷ്യ ടെക്നീഷ്യന്‍, സ്റ്റാഫ് നഴ്സ് എന്നിവരെ ദിവസവേതനാടിസ്ഥാനത്തില്‍ നിയമിക്കുന്നു. അനസ്തേഷ്യ ടെക്നീഷ്യന്‍ കോഴ്സ്, പാരാമെഡിക്കല്‍ കൗണ്‍സില്‍ രജിസ്ട്രേഷനും പ്രവൃത്തി പരിചയമുള്ളവര്‍ക്ക് അനസ്തേഷ്യ ടെക്നീഷ്യന്‍ തസ്തികയിലേക്ക് അപേക്ഷിക്കാം. എം.ബി.ബി.എസ് ഡിഗ്രിയും ടി.സി.എം.സി രജിസ്ട്രേഷനുമുള്ളവര്‍ക്ക് ഡോക്ടര്‍ തസ്തികയിലേക്കും പ്ലസ്ടുവും ഗവ. അംഗീകൃത ജി.എന്‍.എം. കോഴ്സ്/ബി.എസ്.സി നഴ്സിങ് കേരള നഴ്സിങ് കൗണ്‍സില്‍ രജിസ്ട്രേഷനും പ്രവൃത്തി പരിചയവുമുള്ളവര്‍ക്ക് സ്റ്റാഫ് നഴ്സ് തസ്തികയിലേക്കും അപേക്ഷിക്കാം.

അനസ്തേഷ്യ ടെക്നീഷ്യന്‍ അഭിമുഖം മാര്‍ച്ച് മൂന്നിന് ഉച്ചയ്ക്ക് 1.30നും സ്റ്റാഫ് നഴ്സിന്റേത് ഉച്ചയ്ക്ക് 2.30നും ഡോക്ടറുടേത് ഉച്ചയ്ക്ക് മൂന്നിനും നടക്കും. യോഗ്യരായ ഉദ്യോഗാര്‍ഥികള്‍ വിദ്യാഭ്യാസ യോഗ്യത, പ്രവൃത്തി പരിചയം എന്നിവ തെളിയിക്കുന്ന സര്‍ട്ടിഫിക്കറ്റുകളുടെ ഒറിജിനലുകളും പകര്‍പ്പും ആധാര്‍ കോപ്പിയുമായി കൃത്യസമയത്ത് ആശുപത്രി ഓഫീസില്‍ നേരിട്ട് ഹാജരാകണം. ഫോണ്‍- 04942-666439

സംസ്ഥാന ഹജ്ജ് കമ്മിറ്റി ഓഫീസിൽ ക്ലർക്കിന്റെ ( എൽ.ഡി.ക്ലർക്ക്) പ്രതീക്ഷിത ഒഴിവിൽ ഡെപ്യൂട്ടേഷൻ വ്യവസ്ഥയിൽ നിയമനം നടത്തുന്നതിനായി വിവിധ സർക്കാർ വകുപ്പുകളിലെ സമാന തസ്തികയിൽ ജോലി ചെയ്യുന്ന യോഗ്യരായ ജീവനക്കാരിൽ നിന്നും അപേക്ഷ ക്ഷണിച്ചു. യോഗ്യരായ ജീവനക്കാർ മാർച്ച് രണ്ടിന് വൈകുന്നേരം അഞ്ചിനകം അപേക്ഷിക്കണം. അവരവരുടെ മാതൃ വകുപ്പിൽ നിന്നും നിരാക്ഷേപ പത്രം അപേക്ഷയോടൊപ്പം/ഇന്റർവ്യൂ സമയത്ത് ഹാജരാക്കണം. ശമ്പള സ്കെയിൽ 26500-60700. അംഗീകൃത ശമ്പള സ്കെയിലിന് മുകളിലുള്ള ജീവനക്കാർ അപേക്ഷിക്കേണ്ടതില്ല.
അപേക്ഷയോടൊപ്പം മൊബൈൽ നമ്പറും ഇമെയിൽ വിലാസവും ഉണ്ടായിരിക്കണം.

അപേക്ഷകൾ അയക്കേണ്ട വിലാസം: ഡിസ്ട്രിക്ട് കളക്ടർ & എക്സിക്യൂട്ടീവ് ഓഫീസർ, കേരള സംസ്ഥാന ഹജ്ജ് കമ്മിറ്റി, ഹജ്ജ് ഹൌസ്, കാലിക്കറ്റ് എയർപോർട്ട് പി.ഒ.,മലപ്പുറം, കേരള, പിൻ: 673647.