സാമൂഹ്യനീതി വകുപ്പ് ട്രാന്‍സ്‌ജെന്‍ഡര്‍ വ്യക്തികള്‍ക്കായി നടപ്പാക്കുന്ന വിവിധ പദ്ധതിയിലേക്ക് അപേക്ഷ ക്ഷണിച്ചു. സ്‌കോളര്‍ഷിപ്പ്, ഹോസ്റ്റല്‍ ധനസഹായ പദ്ധതി, പ്രൊഫഷണല്‍ വിദ്യാഭ്യാസ ധനസഹായ പദ്ധതി, വിദൂര വിദ്യാഭ്യാസ ധനസഹായ പദ്ധതി, വിവാഹ ധനസഹായ പദ്ധതി, ലിംഗമാറ്റ ശസ്ത്രക്രിയ, തുടര്‍ ചികിത്സ ധനസഹായ പദ്ധതികളിലേക്കാണ് അപേക്ഷ ക്ഷണിച്ചത്. അപേക്ഷകര്‍ സാമൂഹ്യനീതി വകുപ്പിന്റെ സുനീതി പോര്‍ട്ടല്‍ മുഖേന അപേക്ഷ നല്‍കണം. മത്സര പരീക്ഷകളില്‍ പരിശീലനം നല്‍കുന്ന യത്‌നം, അടിയന്തിര ഘട്ടങ്ങളില്‍ സഹായം നല്‍കുന്ന കരുതല്‍ പദ്ധതികളിലേക്ക് ആവശ്യമായ സര്‍ട്ടിഫിക്കറ്റുകള്‍ സഹിതം ജില്ലാ സാമൂഹ്യനീതി ഓഫീസില്‍ അപേക്ഷ നല്‍കണം. കൂടുതല്‍ വിവരങ്ങള്‍ www.sjd.kerala.gov.in ല്‍ ലഭിക്കും. ഫോണ്‍- 0471-2306040.