ലൈഫ് ഭവന പദ്ധതി ഒന്നാംഘട്ടത്തിൽ വയനാട്ടിൽ പൂർത്തിയായത് 7,525 വീടുകൾ. ആദ്യഘട്ടത്തിൽ ഉൾപ്പെട്ട 8,878 വീടുകളിൽ 1,353 എണ്ണമാണ് നിലവിൽ ശേഷിക്കുന്നത്. ഇതിൽ തന്നെ 638 വീടുകളുടെ പ്രവൃത്തി ലിന്റൽ പൊക്കത്തിലും 544 എണ്ണം മേൽക്കൂരയിലും എത്തിനിൽക്കുന്നു. പട്ടികവർഗ വികസനവകുപ്പിന്റെ കീഴിലുള്ള 3,341 വീടുകളിൽ 2,444 എണ്ണത്തിന്റെ പ്രവൃത്തി പൂർത്തിയായി. ജില്ലയിലെ മൂന്നു മുനിസിപ്പാലിറ്റികളിലുമായി 505 വീടുകളാണ് ഒന്നാംഘട്ടത്തിൽ ഉൾപ്പെട്ടിരുന്നത്. ഇതിൽ 343 വീടുകളുടെ പ്രൃത്തി പൂർത്തീകരിച്ചു. ജില്ലാ പഞ്ചായത്തിന്റെ കീഴിലുള്ള 33 വീടുകളിൽ 29ഉം മൈനോറിറ്റി വെൽഫെയർ വകുപ്പിന്റെ 11ൽ ഒമ്പതും പട്ടികജാതി വകുപ്പിന്റെ 77ൽ 73ഉം വീടുകളുടെ നിർമാണം പൂർത്തിയായി. ഗ്രാമപ്പഞ്ചായത്തുകളിൽ 2,018 വീടുകളുടെയും ബ്ലോക്ക് പഞ്ചായത്തുകളിൽ 2,609 വീടുകളുടെയും നിർമാണം പൂർത്തീകരിച്ചിട്ടുണ്ട്. ഗ്രാമപ്പഞ്ചായത്തുകളിൽ 153ഉം ബ്ലോക്ക് പഞ്ചായത്തുകളിൽ 131ഉം വീടുകളുടെ നിർമാണം പുരോഗമിക്കുകയാണ്. മൂപ്പൈനാട്, തരിയോട് പഞ്ചായത്തുകളിലും പനമരം ബ്ലോക്ക് പഞ്ചായത്തിലും ആദ്യഘട്ടത്തിൽ ഉൾപ്പെട്ട എല്ലാ വീടുകളുടെയും നിർമാണം പൂർത്തീകരിച്ചു.
വിവിധ തദ്ദേശ സ്ഥാപനങ്ങളിലെ വീടുകളുടെ വിശദാംശം (പഞ്ചായത്ത്, ആകെ വീടുകൾ, പൂർത്തിയായവ, ശതമാനം, പൂർത്തീകരിക്കാനുള്ളത് എന്നീ ക്രമത്തിൽ): അമ്പലവയൽ- 23-22-95.65-1, എടവക- 85-78-91.76-7, കണിയാമ്പറ്റ- 41-40-97.56-1, മീനങ്ങാടി- 125-118-94.4-3, കോട്ടത്തറ- 154-151-98.05-7, മേപ്പാടി- 180-144-80-36, മൂപ്പൈനാട്- 12-12-100-0, മുള്ളൻകൊല്ലി- 48-44-91.67-4, മുട്ടിൽ- 115-110-95.65-5, നെന്മേനി- 106-105-99.06-1, നൂൽപ്പുഴ- 84-75-89.29-9, പടിഞ്ഞാറത്തറ- 99-95-95.96-4, പനമരം- 163-157-96.32-6, പൂതാടി- 119-115-96.64-4, പൊഴുതന- 78-70-89.74-8, പുൽപ്പള്ളി- 66-63-95.45-3, തരിയോട്- 7-7-100-0, തവിഞ്ഞാൽ- 136-115-84.56-21, തിരുനെല്ലി- 170-165-97.06-5, തൊണ്ടർനാട്- 149-136-89.26-13, വെള്ളമുണ്ട- 95-91-92.63-4, വെങ്ങപ്പള്ളി- 83-79-95.18-4, വൈത്തിരി- 33-26-78.79-7. ബ്ലോക്ക് പഞ്ചായത്തുകൾ: കൽപ്പറ്റ- 1,299-1,226-94.38-73, സുൽത്താൻ ബത്തേരി- 443-435-98.19-8, പനമരം- 360-360-100-0, മാനന്തവാടി- 638-588-92.16-50. മുനിസിപ്പാലിറ്റികൾ: കൽപ്പറ്റ- 119-80-67.23-39, സുൽത്താൻ ബത്തേരി- 106-71-66.98-35, മാനന്തവാടി- 280-192-68.21-88. ബ്ലോക്ക്, ഗ്രാമപ്പഞ്ചായത്തുകളിൽ ലിന്റൽ, മേൽക്കൂര പൊക്കത്തിൽ എത്തിനിൽക്കുന്ന 190 വീടുകളുടെ നിർമാണം ഫെബ്രുവരി 28നകം പൂർത്തീകരിക്കും. പദ്ധതിയുടെ രണ്ടാംഘട്ടത്തിൽ ഉൾപ്പെട്ട 110 വീടുകളുടെ നിർമാണവും ഇതിനകം പൂർത്തിയായി.
ലൈഫ് ഭവനപദ്ധതി പുരോഗതി ജില്ലാ കളക്ടർ എ.ആർ. അജയകുമാറിന്റെ അധ്യക്ഷതയിൽ ചേംബറിൽ ചേർന്ന യോഗത്തിൽ വിലയിരുത്തി. ഏതെങ്കിലും ഭവനപദ്ധതികൾ പ്രകാരം ആനുകൂല്യം ലഭിച്ചവരെ ലൈഫ് പദ്ധതിയിൽ നിന്ന് ഒഴിവാക്കണമെന്ന് അദ്ദേഹം നിർദേശിച്ചു. ദാരിദ്ര്യ ലഘൂകരണ വിഭാഗം പ്രൊജക്റ്റ് ഡയറക്ടർ പി എ മജീദ്, ലൈഫ് മിഷൻ ജില്ലാ കോ-ഓഡിനേറ്റർ സിബി വർഗീസ്, ഐടിഡിപി പ്രൊജക്റ്റ് ഓഫിസർ പി വാണിദാസ്, ജില്ലാ പഞ്ചായത്ത് സെക്രട്ടറി പി.ജി. വിജയകുമാർ, ബിഡിഒമാർ തുടങ്ങിയവർ പങ്കെടുത്തു.