സാങ്കേതിക വിദ്യാഭ്യാസ വകുപ്പിന് കീഴിൽ പ്രവർത്തിക്കുന്ന തിരുവനന്തപുരം, മാവേലിക്കര, തൃശൂർ ഫൈൻ ആർട്‌സ് കോളേജുകളിൽ ബി.എഫ്.എ ഡിഗ്രി കോഴ്‌സിലേക്ക് പ്രവേശനത്തിനായി അപേക്ഷകൾ ഓൺലൈനായി സമർപ്പിക്കുന്നതിനുള്ള തിയതി ജൂൺ 14 വരെ നീട്ടി.  പ്രോസ്‌പെക്ടസും അപേക്ഷാഫോമും മാർഗനിർദേശങ്ങളുംwww.admissions.dtekerala.gov.in ൽ ലഭിക്കും.  പ്ലസ്ടുവോ തത്തുല്യ യോഗ്യതയോ നേടിയവർക്ക് അപേക്ഷിക്കാം.  പൊതുവിഭാഗത്തിലുള്ളവർക്ക് 300 രൂപയും പട്ടികജാതി, പട്ടികവർഗ വിഭാഗക്കാർക്ക് 150 രൂപയുമാണ് അപേക്ഷാഫീസ്.  ഓൺലൈനായി ചെയ്ത അപേക്ഷയുടെ പ്രിന്റും അനുബന്ധ രേഖകളുടെ പകർപ്പും ജൂൺ 18 വൈകിട്ട് അഞ്ചിന് മുമ്പായി തിരുവനന്തപുരത്തെ സാങ്കേതിക വിദ്യാഭ്യാസ ഡയറക്ടറേറ്റിൽ ലഭ്യമാക്കണം. സാങ്കേതിക വിദ്യാഭ്യാസ ഡയറക്ടർ നടത്തുന്ന പ്രവേശന പരീക്ഷയുടെയും പ്രായോഗിക പരീക്ഷകളുടെയും അഭിമുഖത്തിന്റെയും അടിസ്ഥാനത്തിൽ തയാറാക്കുന്ന റാങ്ക് ലിസ്റ്റിൽ നിന്നാണ് പ്രവേശനം നടത്തുന്നത്.  ഫോൺ: 0471-2561313.