നോർക്ക റൂട്ട്‌സിന്റെ പ്രവാസി പുനരധിവാസ പദ്ധതിയിൻ കീഴിൽ ഐ.ഒ.ബി യുടെ ആഭിമുഖ്യത്തിൽ ജൂലൈ ഒൻപതിന് രാവിലെ 10 ന് വർക്കല പഴയ ചന്ത മിഷൻ ആശുപത്രിയ്ക്ക്  സമീപം കിംഗ്‌സ് ആഡിറ്റോറിയത്തിൽ തിരികെയെത്തിയ പ്രവാസികൾക്ക് തുടങ്ങാവുന്ന സംരംഭങ്ങൾ പരിചയപ്പെടുത്തുന്നു. അർഹരായ സംരംഭകർക്ക് തത്‌സമയം വായ്പ അനുവദിക്കും. അഭിരുചിയുള്ളവർക്ക് അവിടെ വച്ച് തന്നെ വേണ്ട മാർഗനിർദേശങ്ങളും നൽകും. ഇതിനായി സർക്കാർ മാനേജ്‌മെന്റ് പരിശീലന സ്ഥാപനമായ സി.എം.ഡി യുടെ  സേവനവും ലഭ്യമാകും.

സംരംഭകർക്ക് മൂലധന, പലിശ സബ്‌സിഡികൾ ലഭ്യമാക്കുന്ന ഈ പദ്ധതിയിൻ കീഴിൽ സംരംഭകരാകാൻ താത്പര്യമുള്ളവർ തുടങ്ങാൻ ഉദ്ദേശിക്കുന്ന പദ്ധതികളെ കുറിച്ചുള്ള അടങ്കൽ തുക ഉൾപ്പെടെയുള്ള ലഘു വിവരണവും കുറഞ്ഞത് രണ്ട് വർഷം വിദേശവാസം തെളിയിക്കുന്ന പാസ്‌പോർട്ടിന്റെ പകർപ്പും മൂന്ന് പാസ്‌പോർട്ട് സൈസ് ഫോട്ടോയും കരുതണം. താത്പര്യമുളളവർ നോർക്ക റൂട്ട്‌സിന്റെ വെബ് സൈറ്റായ www.norkaroots.org യിൽ മുൻകൂർ പേര് രജിസ്റ്റർ ചെയ്യണം. കൂടുതൽ വിവരങ്ങൾക്ക് സി.എം.ഡി യുടെ സഹായ കേന്ദ്രം (0471-2329738) നമ്പറിലും നോർക്ക റൂട്ട്‌സിന്റെ 1800 425 3939 (ഇന്ത്യയിൽ നിന്നും) 00918802012345 (വിദേശത്തു നിന്നും) ടോൾഫ്രീ നമ്പരിലും 0471-2770581 നമ്പറിലും ബന്ധപ്പെടണമെന്ന് നോർക്ക റൂട്ട്‌സ് ചീഫ് എക്‌സിക്യൂട്ടീവ് ഓഫീസർ അറിയിച്ചു.