കാക്കനാട് : കളമശ്ശേരി കൃഷി അസിസ്റ്റൻറ് ഡയറക്ടറുടെ ഇടപ്പള്ളി ബ്ലോക്ക് പഞ്ചായത്ത് കാര്യാലയത്തിന്റെ ഉദ്ഘാടനം ഇടപ്പള്ളി ബ്ലോക്ക് പഞ്ചായത്ത് പ്രസിഡൻറ് എം ആർ ആന്റണി നിർവഹിച്ചു.

ഓണത്തിന് ഒരു മുറം പച്ചക്കറി പദ്ധതിയുടെ ഉദ്ഘാടനം വികസനകാര്യ സ്റ്റാൻഡിങ് കമ്മിറ്റി ചെയർമാൻ വി എ ജോസഫ് നിർവഹിച്ചു. എളങ്കുന്നപ്പുഴ പഞ്ചായത്തിലെ കർഷക ശ്രീജി ബാബുവിന് വിത്ത് നൽകിയാണ് ഉദ്ഘാടനം നടത്തിയത്. കൂടാതെ ബ്ലോക്ക് പഞ്ചായത്ത് വളപ്പിൽ മഹിളാ പ്രധാൻ ഏജന്റുമാരുടെ നേതൃത്വത്തിൽ ഞാറ്റുവേലയോട് അനുബന്ധിച്ചു ഔഷധചെടികളുടെ നടീൽകർമ്മവും നടത്തി. ബ്ലോക്ക് പഞ്ചായത്ത് വൈസ് പ്രസിഡൻറ് ലില്ലി ആൽബർട്ടിന്റെ അധ്യക്ഷതയിൽ ചേർന്ന യോഗത്തിൽ ബ്ലോക്ക് വികസന ഓഫീസർ സർ ഒ. ശ്രീകല , കളമശ്ശേരി കൃഷി അസിസ്റ്റൻറ് ഡയറക്ടർ ബിൻസി എബ്രഹാം, ബ്ലോക്ക് പഞ്ചായത്ത് അംഗങ്ങൾ ,പഞ്ചായത്ത് പ്രസിഡന്റുമാർ, എൻജിനീയറിങ് വിഭാഗം ഉദ്യോഗസ്ഥർ, പ്ലാൻ കോർഡിനേറ്റർ പി.ജെ. മാത്യു , കൃഷി വകുപ്പ് ഉദ്യോഗസ്ഥർ കർഷകർ തുടങ്ങിയവർ പങ്കെടുത്തു

ഫോട്ടോ ക്യാപ്ഷൻ : ബ്ലോക്ക് പഞ്ചായത്തിൽ പുതുതായി നിർമ്മിച്ച കളമശ്ശേരി കൃഷി അസിസ്റ്റൻറ് ഡയറക്ടറുടെ കാര്യായം ഇടപ്പള്ളി ബ്ലോക്ക് പഞ്ചായത്ത് പ്രസിഡൻറ് എം ആർ ആന്റണി ഉദ്ഘാടനം ചെയ്യുന്നു. .