പ്രകൃതിക്ഷോഭവുമായി ബന്ധപ്പെട്ട് അടിയന്തിരസ്ഥിതി നേരിടുന്നതിന് കളക്ടറേറ്റിലെ ജില്ലാ മെഡിക്കല്‍ ഓഫീസില്‍(ആരോഗ്യം) കണ്‍ട്രോള്‍ റൂം തുറന്നു. ഫോണ്‍: 0468-2222642. കണ്‍ട്രോള്‍റൂം 24 മണിക്കൂറും പ്രവര്‍ത്തിക്കും. ഡിഎംഒ -9946105475, ഡിഎസ്ഒ – 7593864224, ടിഎ-9447091679, ഐഡിഎസ്പി സെല്‍-0468-2228220.
അടിയന്തിരസാഹചര്യം നേരിടുന്നതിന് ജില്ലയിലെ എല്ലാ ആശുപത്രികളും ജീവനക്കാരും സജ്ജരായിരിക്കാന്‍ ജില്ലാ മെഡിക്കല്‍ ഓഫീസര്‍ ഡോ.എ.എല്‍. ഷീജ നിര്‍ദേശം നല്‍കി. വെള്ളപ്പൊക്കത്തിന് സാധ്യതയുള്ള പഞ്ചായത്തുകളിലെ പ്രാഥമികാരോഗ്യ കേന്ദ്രങ്ങളിലെയും കുടുംബാരോഗ്യ കേന്ദ്രങ്ങളിലെയും മെഡിക്കല്‍ ഓഫീസര്‍മാര്‍ ജാഗ്രത പുലര്‍ത്തണമെന്നും നിര്‍ദേശിച്ചിട്ടുണ്ട്.