പാലക്കാട്: ചിറ്റൂര്‍ താലൂക്കിലെ ഒഴലപ്പതി വില്ലേജില്‍ ബ്ലോക്ക് നമ്പര്‍ 28 ല്‍ കിന്‍ഫ്ര വ്യവസായ പാര്‍ക്കിനായി വിവിധ റീസര്‍വേ നമ്പറുകളില്‍ ഉള്‍പ്പെട്ട ഭൂമിയുടെ സര്‍വേ സര്‍ക്കാര്‍ നിര്‍ദേശിച്ച സാഹര്യത്തില്‍ ഉടനെ ആരംഭിക്കുമെന്ന് എല്‍.എ കിന്‍ഫ്ര സ്‌പെഷ്യല്‍ തഹസില്‍ദാര്‍ അറിയിച്ചു. ഒഴലപ്പതി വില്ലേജിലെ 14-ാം പാര്‍ട്ട്, 16 മുതല്‍ 23 വരെ, 26-ാം പാര്‍ട്ട്, 34, 45 മുതല്‍ 50 വരെ, 53, 128-ാം പാര്‍ട്ട്, 134, 138, 139, 140, 141, 145, 146, 148, 149, 150, 152-ാം പാര്‍ട്ട്, 153 മുതല്‍ 158 വരെ, 163-ാം പാര്‍ട്ട്, 164, 165-ാം പാര്‍ട്ട്, 170, 171, 174-ാം പാര്‍ട്ട്, 175, 176, 177-ാം പാര്‍ട്ട്, 178, 180 മുതല്‍ 183 വരെ, 185, 351 മുതല്‍ 354 വരെയുള്ള റീസര്‍വേ നമ്പറുകളിലാണ് അതിര്‍ത്തി തിരിച്ച് സര്‍വേ ചെയ്യുന്നത്. ഈ സര്‍വേ നമ്പറുകളില്‍ ഉള്‍പ്പെടുന്ന ഭൂമിയിലോ ഇതിനോട് ചേര്‍ന്ന് സ്ഥിതിചെയ്യുന്ന രജിസ്റ്റര്‍ ചെയ്ത ഭൂമിയിലോ അവകാശമുള്ളവര്‍ നേരിട്ടോ ഏജന്റ് മുഖേനയോ പ്രസ്തുത സര്‍വേയറുടെ മുന്നില്‍ ഹാജരായി അതിരുകള്‍ കാണിച്ചുകൊടുത്ത് ബന്ധപ്പെട്ട വിവരങ്ങളും നല്‍കേണ്ടതാണ്. 1961 ലെ കേരള സര്‍വേയും അതിര്‍ത്തിയും സംബന്ധിച്ച ആക്ടിലെ 6 (1)-ാം വകുപ്പ് പ്രകാരമാണ് സ്ഥലമേറ്റെടുപ്പ് വിജ്ഞാപനം പുറപ്പെടുവിച്ചിരിക്കുന്നത്.