കേരള ആരോഗ്യശാസ്ത്ര സർവകലാശാലയിൽ നിലവിൽ ഒഴിവുള്ള സെക്ഷൻ ഓഫീസർ, അസിസ്റ്റന്റ് രജിസ്ട്രാർ തസ്തികകളിൽ അന്യത്രസേവന വ്യവസ്ഥയിൽ നിയമനം നടത്തുന്നു. സർവകലാശാല/ സെക്രട്ടേറിയറ്റ്/ പി.എസ്.സി/ കെ.എസ്.എ.ഡി/ മെഡിക്കൽ -ആയൂഷ്-ഹോമിയോ എഡ്യൂക്കേഷൻ ഡിപ്പാർട്ട്‌മെന്റ്/ അഡ്വക്കേറ്റ് ജനറൽ ഓഫീസ്/ വിജിലൻസ് ട്രൈബ്യൂണൽ എന്നീ വകുപ്പുകളിൽ സമാന തസ്തികയിൽ സേവനമനുഷ്ടിക്കുന്നവർക്ക് അപേക്ഷിക്കാം.

അപേക്ഷ ഉചിത മാർഗ്ഗേന മാതൃവകുപ്പിൽ നിന്നുള്ള നിരാക്ഷേപസാക്ഷ്യപത്രവും കെ.എസ്.ആർ റൂൾ 144 പ്രകാരമുള്ള പ്രൊഫോർമയും ബയോഡാറ്റയും സഹിതം രജിസ്ട്രാർ, കേരള ആരോഗ്യശാസ്ത്ര സർവകലാശാല, മെഡിക്കൽ കോളേജ്. പി.ഒ, തൃശ്ശൂർ-680596 എന്ന വിലാസത്തിൽ മാർച്ച് 14ന് മുൻപ് ലഭ്യമാക്കണം.