ഏപ്രിൽ 28ന് അസാപിലൂടെ യുവജനങ്ങളുമായി സംവദിക്കുന്നു
കോവിഡ് അതിജീവനകാലത്ത് വിദ്യാഭ്യാസ വകുപ്പിലെ അസാപിന്റെ കമ്മ്യൂണിറ്റി സ്കിൽ പാർക്ക് ചെറിയകലവൂർ ഒരുക്കുന്ന ആലപ്പുഴയിലെ സൗജന്യ ഓൺലൈൻ വെബ്ബിനാർ സീരിസിന് തുടക്കമിട്ടുകൊണ്ടു ജില്ല കളക്ടർ ശ്രീമതി.എം.അഞ്ജന ഐ.എ.എസ് ലോക്ക് ഡൌൺ ഘട്ടത്തിലെ നൈപുണ്യ പരിശീലനവും വിദ്യാഭ്യാസവും എന്ന വിഷയത്തിൽ ജില്ലയിലെ വിദ്യാർത്ഥികളുമായും, ഉദ്യോഗാർത്ഥികളുമായും തത്സമയം ഓൺലൈനായി സംവദിക്കുന്നു.
28 ഏപ്രിൽ രാവിലെ പതിനൊന്ന് മണി മുതൽ പന്ത്രണ്ട് മണി വരെയാണ് അസാപ് കമ്മ്യൂണിറ്റി സ്കിൽ പാർക്ക് വെബ്സൈറ്റിലൂടെ സൗകര്യമൊരുക്കുന്നത്. തുടർന്നുള്ള ദിവസങ്ങളിൽ വ്യത്യസ്‍ത തൊഴിൽ മേഖലകളിലെ പ്രമുഖർ ജനങ്ങളുമായി തൊഴിൽ മേഖലകളിൽ നേടിയെടുക്കേണ്ട കഴിവുകളെ കുറിച്ച് സംവദിക്കുന്നതാണ്. ഇതിനോടൊപ്പം എഞ്ചിനീയറിംഗ്, പോളിടെക്‌നിക്‌, ആർട്സ് ആൻഡ് സയൻസ് കോളേജുകളിലെ വിദ്യാർത്ഥികളുടെ പാഠ്യ പദ്ധതിയനുസരിച്ചുള്ള ഓൺലൈൻ ക്ലാസ്സുകളുമുണ്ടായിരിക്കുന്നതാണ്. വിശദ വിവരങ്ങൾക്ക് അസാപ് ആലപ്പുഴ ഫേസ്ബുക് പേജ് സന്ദർശിക്കുക. വെബ്ബിനറിനായി http://skillparkkerala.in/csp-cheriyakalavoor/ എന്ന ലിങ്ക് സന്ദർശിക്കുക. ഹെല്പ് ലൈൻ നമ്പർ: 8129617800