എറണാകുളം: ജില്ലയിൽ എസ്.എസ്.എൽ.സി പരീക്ഷയുടെ മൂല്യനിർണ്ണയ ക്യാമ്പ് ആലുവ ഗേൾസ് സ്കൂളിൽ ആരംഭിച്ചു. 15 ചീഫ് എക്സാമിനർമാരുടെയും 50 അസി. എക്സാമിനർമാരുടെയും നേതൃത്വത്തിൽ ഇംഗ്ലീഷ് പരീക്ഷയുടെ മൂല്യനിർണ്ണയമാണ് നടക്കുന്നത്. ലോക്ക് ഡൗൺ മൂലം എല്ലാ അസി. എക്സാമിനർമാർക്കും ക്യാമ്പിൽ എത്താൻ കഴിയാത്തതിനാൽ ആലുവ വിദ്യാഭ്യാസജില്ലയിൽ നിന്നും 75 അധ്യാപകരെ മൂല്യനിർണ്ണയത്തിനായി നിയോഗിക്കും. തേവര ഹയർ സെക്കണ്ടറി സ്കൂൾ, എസ്.ആർ. വി സ്കൂൾ എന്നിവിടങ്ങളിലാണ് ജില്ലയിലെ മറ്റ് മൂല്യനിർണ്ണയ ക്യാമ്പുകൾ. പരീക്ഷകൾ പൂർത്തിയായശേഷം ഇവിടെ ക്യാമ്പുകൾ ആരംഭിക്കും.