അധ്യയനവർഷാരംഭത്തോടനുബന്ധിച്ച് വിദ്യാർഥികൾക്ക് പ്രയോജനകരമായ രീതിയിൽ കൺസ്യൂമർഫെഡ് ആരംഭിക്കുന്ന ‘സ്റ്റുഡൻറ്‌സ് മാർക്കറ്റു’കൾക്ക് തുടക്കമായി. സംസ്ഥാനതല ഉദ്ഘാടനം കൺസ്യൂമർഫെഡ് ചെയർമാൻ എം. മെഹബൂബ് ഉദ്ഘാടനം ചെയ്തു. സഹകരണസംഘം രജിസ്ട്രാർ എസ്. ഷാനവാസ് അധ്യക്ഷത വഹിച്ചു. എക്‌സിക്യൂട്ടീവ് ഡയറക്ടർമാരായ ലേഖാ സുരേഷ്, കെ.പി. കുറുപ്പ്, ഡയറക്ടർ മോളി സ്റ്റാൻലി തുടങ്ങിയവർ സംബന്ധിച്ചു. കൺസ്യൂമർഫെഡ് മാനേജിംഗ് ഡയറക്ടർ ആർ. സുകേശൻ സ്വാഗതവും റീജിയണൽ മാനേജർ ടി.എസ്. സിന്ധു നന്ദിയും പറഞ്ഞു.

സംസ്ഥാനത്താകെ സഹകരണസംഘങ്ങൾ മുഖേനയും ത്രിവേണികൾ മുഖേനയും 600 ഓളം സ്റ്റുഡൻറ്‌സ് മാർക്കറ്റുകളാണ് ആരംഭിക്കുന്നത്. 20 മുതൽ 40 ശതമാനം വരെ വിലക്കുറവിലാണ് നോട്ടുബുക്കുകളും പഠനോപകരണങ്ങളും വിൽപന നടത്തുന്നത്. ജൂൺ 30 വരെയാണ് സ്റ്റുഡൻറ്‌സ് മാർക്കറ്റുകൾ പ്രവർത്തിക്കുക.