തൃശ്ശൂർ:  കോവിഡ് മഹാമാരിക്കാലത്ത് അതിഥി തൊഴിലാളികളെ ചേർത്തുപിടിക്കുന്ന സംസ്ഥാന സർക്കാറിന് പിന്തുണയുമായി ബംഗാൾ സ്വദേശികളായ നജീർമിയ, സാഫി ഹസ്സൻ, ജാനേ മണ്ഡൽ, ഷമിം മണ്ഡൽ, നൂറുൽ, സുജിത്ത്, മൊയ്തുൽ, ജഷിം എന്നിവരുടെ കൂട്ടായ്മയെത്തിയത് ശ്രദ്ധേയമായി.

ഇൻ്റീരിയർ ഡിസൈനിങ് രംഗത്ത് പ്രവർത്തിക്കുന്ന കഴിമ്പ്രം സ്വദേശിയായ സജീഷ് പുളിക്കലിന് കീഴിൽ ജോലി ചെയ്തുവരുന്ന നിർമാണ തൊഴിലാളികളാണ് സംസ്ഥാനസർക്കാറിൻ്റെ വാക്സിൻ ചലഞ്ചിലേക്ക് 5000രൂപ സംഭാവന നൽകിയത്.

പത്ത് വർഷമായി നാട്ടികയിൽ സ്ഥിരതാമസമാക്കിയ ഇവർ കേരളത്തിലെ കോവിഡ് പ്രതിരോധ പ്രവർത്തനങ്ങളിൽ സർക്കാർ നടത്തുന്ന പ്രവർത്തനങ്ങളെ പ്രശംസിച്ചു. ചാഴൂർ പഞ്ചായത്തിലെ പുള്ളിലുള്ള കൺസ്ട്രക്ഷൻ സൈറ്റിൽ നടന്ന ചടങ്ങിൽ തുക നാട്ടിക എം.എൽ.എ സി.സി.മുകുന്ദന് കൈമാറി. ചാഴൂർ പഞ്ചായത്ത് നാലാം വാർഡ് മെമ്പർ ഷില്ലി മധു, ഷൈജു സായ്റാം തുടങ്ങിയവർ പങ്കെടുത്തു.