കൊല്ലം: കോവിഡ് മാനദണ്ഡ ലംഘനങ്ങള്‍ കണ്ടെത്തുന്നതിനായി ജില്ലാ കലക്ടര്‍ ബി. അബ്ദുല്‍ നാസറിന്റെ നിര്‍ദ്ദേശപ്രകാരം നടത്തുന്ന താലൂക്കുതല സ്‌ക്വാഡ് പരിശോധനയില്‍ അഞ്ച് കേസുകള്‍ക്ക് പിഴ ചുമത്തുകയും 319 എണ്ണത്തിന് താക്കീത് നല്‍കുകയും ചെയ്തു.
കരുനാഗപ്പള്ളിയിലെ ചവറ, കെ.എസ്.പുരം, നീണ്ടകര, തഴവ, തേവലക്കര എന്നിവിടങ്ങളില്‍ നടത്തിയ പരിശോധനയില്‍ നാല് സ്ഥാപനങ്ങള്‍ക്ക് പിഴ ചുമത്തി. 84 എണ്ണത്തിന് താക്കീത് നല്‍കി.
ചടയമംഗലം, ഇളമാട് കരീപ്ര, കടയ്ക്കല്‍, ഇട്ടിവ, നിലമേല്‍, മൈലം, പൂയപ്പള്ളി, ഉമ്മന്നൂര്‍ എന്നിവിടങ്ങളില്‍ നടത്തിയ പരിശോധനയില്‍ മാനദണ്ഡ ലംഘനം കണ്ടെത്തിയ 115 സ്ഥാപനങ്ങള്‍ക്ക് താക്കീത് നല്‍കി.
കുന്നത്തൂര്‍, പോരുവഴി മൈനാഗപ്പള്ളി, ശൂരനാട് നോര്‍ത്ത്, ശൂരനാട് സൗത്ത്, ശാസ്താംകോട്ട, പടിഞ്ഞാറേകല്ലട ഭാഗങ്ങളില്‍ നടത്തിയ പരിശോധനയില്‍ ഒരു കേസിന് പിഴയീടാക്കി. 99 സ്ഥാപനങ്ങള്‍ക്ക് താക്കീത് നല്‍കി.
പത്തനാപുരം, പിടവൂര്‍, പട്ടാഴി, വിളക്കുടി എന്നിവിടങ്ങളില്‍ ഡെപ്യൂട്ടി തഹസില്‍ദാര്‍ ബി. ശശിയുടെ നേതൃത്വത്തില്‍ നടന്ന പരിശോധനയില്‍ ഒന്‍പത് കേസുകള്‍ക്ക് താക്കിത് നല്‍കി.
പുനലൂര്‍ താലൂക്കിലെ കരവാളൂര്‍, അഞ്ചല്‍ എന്നിവിടങ്ങളില്‍ ഡെപ്യൂട്ടി തഹസില്‍ദാര്‍ അമ്പിളിയുടെ നേതൃത്വത്തില്‍ നടന്ന പരിശോധനയില്‍ 12 കേസുകളില്‍ താക്കീത് നല്‍കി.