കേരള സംസ്ഥാന പട്ടികജാതി പട്ടികവര്ഗ്ഗ വികസന കോര്പ്പറേഷന് ദേശീയ പട്ടിക വര്ഗ്ഗ ധനകാര്യ വികസന കോര്പ്പറേഷന്റെ സഹായത്തോടെ നടപ്പിലാക്കുന്ന 2,00,000 രൂപ പദ്ധതി തുകയുള്ള ‘ആദിവാസി മഹിളാ സശാക്തീകരണ് യോജന’ക്കു കീഴില് വായ്പ അനുവദിക്കുന്നതിനായി വയനാട് ജില്ലയില് നിന്നുള്ള പട്ടികവര്ഗ്ഗത്തില്പ്പെട്ട തൊഴില് രഹിതരായ യുവതികളില് നിന്ന് അപേക്ഷ ക്ഷണിച്ചു. തൊഴില്രഹിതരും കുടുംബ വാര്ഷിക വരുമാനം 3,00,000 രൂപയില് കവിയാത്ത 18 നും 55 നും ഇടയില് പ്രായമുള്ളവര്ക്ക് അപേക്ഷിക്കാം. കൃഷി ഒഴികെ ഏതൊരു സ്വയംതൊഴില് പദ്ധതിയിലും ഗുണഭോക്താവിന് ഏര്പ്പെടാം. 4 ശതമാനം പലിശയോടെ 60 മാസഗഡുക്കളായി വായ്പ തുക തിരിച്ചടക്കണം. തെരഞ്ഞെടുക്കപ്പെടുന്ന ഗുണഭോക്താക്കള് വായ്പയ്ക്ക് ഈടായി മതിയായ വസ്തുജാമ്യം അല്ലെങ്കില് ഉദ്യോഗസ്ഥജാമ്യം ഹാജരാക്കണം. താല്പ്പര്യമുള്ളവര് അപേക്ഷാഫോറത്തിനും വിശദവിവരങ്ങള്ക്കുമായി കോര്പ്പറേഷന്റെ കല്പ്പറ്റ പിണങ്ങോട് റോഡ് ജംഗ്ഷനില് പ്രവര്ത്തിക്കുന്ന വയനാട് ജില്ലാ ഓഫീസുമായി ബന്ധപ്പെടണം. ഫോണ്: 04936 202869, 9400068512.