പട്ടികവര്‍ഗ്ഗ ഊരുകളുടേയും വ്യക്തികളുടേയും സമഗ്രവികസനം ലക്ഷ്യമിട്ട് മൈക്രോപ്ലാന്‍ പദ്ധതി ആവിഷ്‌കരിച്ച് നടപ്പിലാക്കുന്നതിന്റെ ഭാഗമായി എന്യുമറേറ്റര്‍മാരുടെ ഒഴിവിലേക്ക് പട്ടികവര്‍ഗ്ഗക്കാരായ യുവതീയുവാക്കളില്‍ നിന്നും അപേക്ഷ ക്ഷണിച്ചു. വിവര സാങ്കേതികവിദ്യയുടെ ബാധ്യതകള്‍ പ്രയോജനപ്പെടുത്തി പരമാവധി സുതാര്യവും കൃത്യവുമായ പട്ടികവര്‍ഗ്ഗക്കാരുടെ സമഗ്ര വിവരശേഖരണം നടത്തുന്നതിനായി സ്മാര്‍ട്ട് ഫോണില്‍ പ്രാവിണ്യമുള്ളതും പ്ലസ്ടു അതിന് മുകളില്‍ വിദ്യാഭ്യാസയോഗ്യതയുള്ളതും, 18 വയസ് പൂര്‍ത്തീകരിച്ചതും 30 വയസ്സിനുള്ളില്‍ പ്രായമുള്ള പട്ടികവര്‍ഗ്ഗക്കാരായ യുവതീയുവാക്കള്‍ക്ക് അപേക്ഷിക്കാം. താത്പര്യമുള്ളവര്‍ നിശ്ചിത മാതൃകയില്‍ തയ്യാറാക്കിയ ബയോഡാറ്റ ജാതി, വിദ്യാഭ്യാസ യോഗ്യത തെളിയിക്കുന്ന സര്‍ട്ടിഫിക്കറ്റുകളുടെ പകര്‍പ്പ് സഹിതം കാസര്‍കോട് ട്രൈബല്‍ ഡെവലപ്‌മെന്റ് ഓഫീസില്‍ അപേക്ഷ നല്‍കണം. കൂടുതല്‍ വിവരങ്ങള്‍ക്ക് ഫോണ്‍ 04994 255466.
