ചെങ്കള ഗ്രാമപഞ്ചായത്തിലെ പാടി പാടശേഖരത്തില്‍ ജില്ലാ കളക്ടര്‍ കെ.ഇമ്പശേഖറിന്റെ നേതൃത്വത്തില്‍ സന്ദര്‍ശനം നടത്തി. പാടശേഖരത്തിനടുത്തുള്ള ഇമ്പ്രാന്‍ വളപ്പ് വി.സി.ബി പൊളിച്ചു പുതിയ വി.സി.ബി കം ബ്രിഡ്ജ് പണിയുന്നതിനുള്ള ഡി.പി.ആര്‍ തയ്യാറാക്കാന്‍ മൈനര്‍ ഇറിഗേഷന്‍ ഇ.ഇയ്ക്ക് നിര്‍ദ്ദേശം നല്‍കി.
അതിനോടനുബന്ധമായി കൈലാര്‍ മിനി ചെക്ക് ഡാം പുനരുദ്ധരിക്കുന്നതിനും തീരുമാനമായി. പഞ്ചായത്ത് പ്രസിഡന്റ് ഖാദര്‍ ബദരിയ, ചെറുകിട ജലസേചന വകുപ്പ് എക്‌സിക്യൂട്ടീവ് എഞ്ചിനീയര്‍ പി.ടി.സഞ്ജീവ്, അസിസ്റ്റന്റ് എഞ്ചിനീയര്‍ നവ്യ, പ്രിന്‍സിപ്പല്‍ അഗ്രികള്‍ച്ചര്‍ ഓഫീസര്‍ മിനി, ഡെപ്യൂട്ടി ഡയറക്ടര്‍ വിഷ്ണു നായര്‍, ഭൂജല വകുപ്പ് ജില്ലാ ഓഫീസര്‍ ഒ.രതീഷ്, പാടശേഖര സമിതി സെക്രട്ടറി സുരേഷ് തുടങ്ങിയവര്‍ സംബന്ധിച്ചു.