സംസ്ഥാന പട്ടികജാതി-പട്ടികവര്‍ഗ്ഗ വികസന കോര്‍പറേഷന്‍ നടപ്പാക്കുന്ന സമൃദ്ധി കേരളം- ടോപ്പ് അപ്പ് ലോണ്‍ പദ്ധതിയിലേക്ക് അപേക്ഷ ക്ഷണിച്ചു. പട്ടികജാതി വിഭാഗക്കാരുടെ സംരംഭകരുടെ ബിസിനസ് വികസനം, സാമ്പത്തിക ശാക്തീകരണമാണ് പദ്ധതി ലക്ഷ്യം. ഗുണഭോക്താവിന് പരമാവധി 10 ലക്ഷം രൂപ വരെ അനുവദിക്കും. മൂന്ന് ശതമാനം വാര്‍ഷിക പലിശ നിരക്കിലോ അല്ലെങ്കില്‍ 20 ശതമാനം സബ്സിഡിയായോ അനുകൂല്യം ലഭിക്കും. വനിതാ സംരംഭകര്‍, ദുര്‍ബലവിഭാഗങ്ങളില്‍ നിന്നുള്ള സംരംഭകര്‍ക്ക് മുന്‍ഗണന. കൂടുതല്‍ വിവരങ്ങള്‍ പട്ടികജാതി-പട്ടികവര്‍ഗ്ഗ വികസന കോര്‍പറേഷന്‍ ജില്ലാ ഓഫീസിലും മാനന്തവാടി ഉപജില്ലാ ഓഫീസിലും ലഭിക്കും. ഫോണ്‍- 04936-202869, 9400068512 (കല്‍പ്പറ്റ), 04935-296512, 9496596512 (മാനന്തവാടി).