എറണാകുളം: കോവിഡ് 19 പ്രതിരോധ പ്രവർത്തനങ്ങളുടെ ഭാഗമായി പെൻ്റ മേനക ഷോപ്പിംഗ് ക്ലോം പ്ലക്സിലെ സ്ഥാപനങ്ങളുടെ പ്രവർത്തനങ്ങൾക്ക് ക്രമീകരണങ്ങൾ ഏർപ്പെടുത്തിയതായി ജില്ലാ കളക്ടർ എസ്.സുഹാസ് അറിയിച്ചു.
ഗതാഗതക്കുരുക്ക് ഒഴിവാക്കുന്നതിനും ശുചിത്വവും സാമൂഹിക അകലവും ഉറപ്പാക്കുന്നതിനുമാണ് നടപടി.

തൊഴിൽ വകുപ്പിൽ ഷോപ്സ് ആന്റ് കമേഴ്സ്യൽ എസ്റ്റാബ്ളിഷ്മെന്റ്സ് ആക്ട് പ്രകാരം രജിസ്റ്റർ ചെയ്ത സ്ഥാപനങ്ങൾക്ക് മാത്രമാണ് പ്രവർത്തനാനുമതി നൽകുക.
ആകെയുള്ള സ്ഥാപനങ്ങളിൽ മൂന്നിലൊന്ന് മാത്രമേ ഒരു ദിവസം തുറക്കാൻ അനുവദിക്കൂ. പകുതി ജീവനക്കാർ, മാസ്ക് ധരിക്കൽ, സാനിറ്റൈസേഷൻ തുടങ്ങിയ നിബന്ധനകൾ കർശനമായി പാലിക്കണംമെന്നും കളക്ടർ നിർദ്ദേശിച്ചു.
പെന്റ മേനകയിലെ സ്ഥാപന ഉടമകളുടെ സംഘടനാ നേതാക്കളുമായി നടത്തിയ ചർച്ചയിലാണ് നിയന്ത്രണങ്ങൾ തീരുമാനിച്ചത്.