ഇന്ന് വീടുകളിൽ നിരീക്ഷണത്തിനായി 130 പേരെയാണ് പുതിയതായി നിർദേശിച്ചത്. നിരീക്ഷണ കാലയളവ് അവസാനിച്ചതിനെ തുടർന്ന് 29 പേരെ നിരീക്ഷണ പട്ടികയിൽ നിന്നും ഒഴിവാക്കി. ഇതോടെ ജില്ലയിൽ വീടുകളിൽ നിരീക്ഷണത്തിൽ ഉള്ളവരുടെ ആകെ എണ്ണം 442 ആയി. ഇതിൽ 115 പേർ ഹൈ റിസ്ക്ക് വിഭാഗത്തിൽ ഉൾപ്പെട്ടതിനാൽ 28 ദിവസത്തെ നിരീക്ഷണത്തിലും, 327 പേർ ലോ റിസ്ക് വിഭാഗത്തിൽ ഉൾപ്പെട്ടതിനാൽ 14 ദിവസത്തെ നിരീക്ഷണത്തിലും ആണ്.

• ഇന്ന് പുതുതായി ഒരാളെ സ്വകാര്യ ആശുപത്രിയിൽ നിരീക്ഷണത്തിൽ പ്രവേശിപ്പിച്ചു . ഇതോടെ ജില്ലയിൽ വിവിധ ആശുപത്രികളിൽ നിരീക്ഷണത്തിലുള്ളവരുടെ എണ്ണം 20 ആയി. മാർച്ച് 21 മുതൽ രോഗം സ്ഥിരീകരിച്ച് കോളേജിൽ കഴിഞ്ഞിരുന്ന മലപ്പുറം സ്വദേശി (22 വയസ്സ്) രോഗമുക്തനായി. ഇന്ന് ആശുപത്രി വിടും.

o കളമശ്ശേരി മെഡിക്കൽ കോളേജ് – 7
o ആലുവ ജില്ലാ ആശുപത്രി – 3
o കരുവേലിപ്പടി താലൂക്ക് ആശുപത്രി – 2
o സ്വകാര്യ ആശുപത്രികൾ – 8

• ഇന്ന് ജില്ലയിൽ നിന്നും 171 സാമ്പിളുകൾ കൂടി പരിശോധനയ്ക്ക് അയച്ചിട്ടുണ്ട്. ഇതിൽ 14 എണ്ണം രോഗലക്ഷണങ്ങളുള്ളവർ, ഐസൊലേഷൻ വാർഡുകളിൽ കഴിയുന്നവർ എന്നിവരിൽ നിന്നാണ് ശേഖരിച്ചത്. സാമ്പിൾ ശേഖരണം കൂടുതൽ ശക്തിപ്പെടുത്തുന്നതിന്റെ ഭാഗമായി ജില്ലയിൽ 10 വിഭാഗങ്ങളെ കൂടി പരിശോധനയ്ക്ക് വിധേയമാക്കുവാൻ ആരംഭിച്ചു. പോസിറ്റീവ് കേസുകളുടെ പ്രൈമറി കോണ്ടാക്ട് , സെക്കൻഡറി കോണ്ടാക്ട് , വീടുകളിൽ നിരീക്ഷണത്തിൽ കഴിയുന്നവർ, കോവിഡ് ഇതര ആരോഗ്യ സ്ഥാപനങ്ങളിലെ ആരോഗ്യ പ്രവർത്തകർ, ഫീൽഡ് തല പ്രവർത്തകർ, മുതിർന്ന പൗരന്മാർ, അന്തർ സംസ്ഥാന യാത്രികർ, ഗർഭിണികൾ, അന്തർ സംസ്ഥാന യാത്രികരുമായി സമ്പർക്കം വന്നിട്ടുള്ളവർ, മറ്റുള്ളവർ എന്നിങ്ങനെ കാറ്റഗറി തിരിച്ചാണ് പരിശോധന നടത്തുന്നത്. ഈ വിഭാഗങ്ങളിൽ നിന്ന് മാത്രമായി 157 പേരുടെ സാമ്പിളുകൾ ഇന്ന് ശേഖരിച്ചു.ഇന്ന് ലഭിച്ച 30 പരിശോധന ഫലവും നെഗറ്റീവ് ആണ്. ഇനി 193 സാമ്പിൾ ഫലങ്ങൾ കൂടി ലഭിക്കാനുണ്ട്.

• ഇന്ന് 231 കോളുകൾ ആണ് കൺട്രോൾ റൂമിൽ ലഭിച്ചത്. ഇതിൽ 144 കോളുകൾ പൊതുജനങ്ങളിൽ നിന്നുമായിരുന്നു. പാസ് ലഭിക്കുന്നതിനെ കുറിച്ചും, ഏതൊക്കെ കടകൾ തുറക്കാം എന്നതിനെ കുറിച്ചും ആയിരുന്നു സംശയങ്ങൾ ഏറെയും. മരുന്ന് അയക്കുവാൻ അംഗീകാരമുള്ള കാർഗോ ഏജൻസികളെ കുറിച്ച് അറിയുവാനും, സാമ്പിൾ പരിശോധന ഫലം എങ്ങിനെ ലഭിക്കും എന്നറിയുവാനും കോളുകൾ വന്നു.

• കോവിഡ് പ്രതിരോധ പ്രവർത്തനങ്ങളുടെ ഭാഗമായി അങ്കമാലി താലൂക്ക് ആശുപത്രിയിലെ ഡോക്ടർമാർ ഉൾപ്പെടെയുള്ള 30 ജീവനക്കാർക്ക് വ്യക്തിഗത സുരക്ഷാ ആവരണങ്ങളുടെ ഉപയോഗം സംബന്ധിച്ച പ്രായോഗിക പരിശീലനം നൽകി. കൂടാതെ വേങ്ങൂർ, വടവുകോട്, മാലിപ്പുറം, നെട്ടൂർ, കീച്ചേരി, കുമ്പളങ്ങി എന്നീ സാമൂഹികാരോഗ്യ കേന്ദ്രങ്ങളിലെയും, പിറവം താലൂക്ക് ആശുപത്രിയിലെയും ഒ. പി വിഭാഗങ്ങളിലും പൊതുജനങ്ങൾക്കായി ബോധവത്കരണം നടത്തി.

• ഇന്ന് ജില്ലയിൽ 121 കമ്മ്യൂണിറ്റി കിച്ചനുകൾ പ്രവർത്തിച്ചു. ഇതിൽ 90 എണ്ണം പഞ്ചായത്തുകളിലും, 31 എണ്ണം നഗരസഭകളിലുമാണ്. ഇവിടങ്ങൾ വഴി 20,352 പേർക്ക് ഫുഡ് കിറ്റുകൾ നൽകി. ഇതിൽ 4,565 പേർ ഇതര സംസ്ഥാന തൊഴിലാളികൾ ആണ്.

• വാർഡ് തലങ്ങളിൽ പ്രവർത്തിക്കുന്ന ആരോഗ്യ പ്രവർത്തകരുടെ സംഘങ്ങൾ ഇന്ന് 2858 വീടുകൾ സന്ദർശിച്ചു ബോധവൽക്കരണം നടത്തി. വീടുകളിൽ നിരീക്ഷണത്തിൽ കഴിയുന്നവരുമായി ഫോൺ വഴി ബന്ധപ്പെട്ട് ആരോഗ്യ സ്ഥിതിയും വിലയിരുത്തി വരുന്നു.

• തൃപ്പൂണിത്തുറ ഗവൺമെന്റ് ആയുർവേദ ആശുപത്രിയിൽ പ്രവർത്തിക്കുന്ന കോവിഡ് കെയർ സെന്ററിൽ ഇന്ന് രണ്ടു പേരെ കൂടി പ്രവേശിപ്പിച്ചു. ഇതോടെ ജില്ലയിലെ കോവിഡ് കെയർ സെന്ററുകളിൽ നിരീക്ഷണത്തിലുള്ളവരുടെ എണ്ണം 41 ആയി. ഇവരെല്ലാം തന്നെ തൃപ്പൂണിത്തുറ കോവിഡ് കെയർ സെന്ററിലാണ്.

• ജില്ലാ മാനസികാരോഗ്യ പരിപാടിയുടെ നേതൃത്വത്തിൽ ഇന്ന് നിരീക്ഷണത്തിൽ കഴിയുന്ന 79 പേർക്ക് കൗൺസലിംഗ് നൽകി. ഇത് കൂടാതെ കൺട്രോൾ റൂമിലേക്ക് വിളിച്ച 12 പേർക്കും ഇത്തരത്തിൽ കൗൺസലിംഗ് നൽകി.

• ഐ. എം. എ ഹൗസിൽ പ്രവർത്തിക്കുന്ന ടെലി ഹെൽത്ത് ഹെൽപ്പ് ലൈൻ സംവിധാനത്തിൽ നിന്ന് വീഡിയോ കോൾ വഴി ഇന്ന് നിരീക്ഷണത്തിൽ കഴിയുന്ന 20 പേർക്ക് സേവനം നൽകി. ഇവർ ഡോക്ടറുമായി നേരിൽ കണ്ട് സംസാരിക്കുകയും ആശങ്കകൾ പരിഹരിക്കുകയും ചെയ്തു.

• ഇന്നലെ (26 .04.2) കൊച്ചി തുറമുഖത്ത് 5 കപ്പലുകൾ എത്തി. അതിലെ 177 ക്രൂ അംഗങ്ങളെ പരിശോധിച്ചതിൽ ആർക്കും തന്നെ രോഗലക്ഷങ്ങളില്ല
Data update
Home quarantine new 130
No. of persons released from home quarantine 29
Home quarantine total 442

Hospital isolation today 1 (pvt)

Discharge from Isolation Nil
Hospital isolation total 20 (GMC-7 , DH Aluva -3 ,GMTH Karuvelipady-,2 Pvt – 8 )

Positive case today nil
Total positive case till date 25
Total positive cases under treatment 1

Sample sent today 171
Results received today 30
Results awaiting 193

No. of Covid Care Centres/Short Stay Homes 36
Total persons quarantined at Covid Care Centres 41

Total calls received at Call centre 231