കൊല്ലം: ജില്ലയില്‍ വെള്ളിയാഴ്ച 417 പേര്‍ക്ക് കോവിഡ് സ്ഥിരീകരിച്ചു. 363 പേര്‍ രോഗമുക്തി നേടി. മുനിസിപ്പാലിറ്റികളില്‍ കൊട്ടാരക്കര, കരുനാഗപ്പള്ളി, പുനലൂര്‍ ഭാഗങ്ങളിലും ഗ്രാമപഞ്ചായത്തുകളില്‍ ആര്യങ്കാവ്, തേവലക്കര, നെടുവത്തൂര്‍, കുലശേഖരപുരം, ഓച്ചിറ, ചാത്തന്നൂര്‍, തലവൂര്‍, പവിത്രേശ്വരം, ഉമ്മന്നൂര്‍, തെക്കുംഭാഗം എന്നിവിടങ്ങളിലുമാണ് രോഗബാധിതരുള്ളത്.
സമ്പര്‍ക്കം വഴി 412 പേര്‍ക്കും ഉറവിടം വ്യക്തമല്ലാത്ത രണ്ടു പേര്‍ക്കും, മൂന്ന് ആരോഗ്യപ്രവര്‍ത്തകര്‍ക്കും രോഗം സ്ഥിരീകരിച്ചു.
കൊല്ലം കോര്‍പ്പറേഷനില്‍ 34 പേര്‍ക്കാണ് രോഗബാധ. പട്ടത്താനം, മങ്ങാട്, വടക്കേവിള എന്നിവിടങ്ങളില്‍ മൂന്നുവീതമാണ് രോഗബാധിതരുള്ളത്.
മുനിസിപ്പാലിറ്റികളില്‍ കൊട്ടാരക്കര-21, കരുനാഗപ്പള്ളി-11, പുനലൂര്‍-10, പരവൂര്‍-അഞ്ച് എന്നിങ്ങനെയാണ് രോഗബാധിതരുടെ എണ്ണം.
ഗ്രാമപഞ്ചായത്തുകളില്‍ ആര്യങ്കാവ്, തേവലക്കര എന്നിവിടങ്ങളില്‍ 20 വീതവും നെടുവത്തൂര്‍-16, കുലശേഖരപുരം-15, ഓച്ചിറ, ചാത്തന്നൂര്‍ പ്രദേശങ്ങളില്‍ 13 വീതവും തലവൂര്‍, പവിത്രേശ്വരം ഭാഗങ്ങളില്‍ 12 വീതവും ഉമ്മന്നൂര്‍, തെക്കുംഭാഗം എന്നിവിടങ്ങളില്‍ 10 വീതവും അഞ്ചല്‍, മൈലം, വെളിയം, ശാസ്താംകോട്ട പ്രദേശങ്ങളില്‍ ഒന്‍പത് വീതവും ആദിച്ചനല്ലൂര്‍, ഇടമുളയ്ക്കല്‍, കരവാളൂര്‍, വെളിനല്ലൂര്‍, മയ്യനാട് ഭാഗങ്ങളില്‍ എട്ടുവീതവും കരീപ്ര, തൃക്കോവില്‍വട്ടം, പൂയപ്പള്ളി എന്നിവിടങ്ങളില്‍ ഏഴുവീതവും പത്തനാപുരം, പിറവന്തൂര്‍ പ്രദേശങ്ങളില്‍ ആറുവീതവും നീണ്ടകര, നെടുമ്പന, വിളക്കുടി ഭാഗങ്ങളില്‍ അഞ്ചുവീതവും കടയ്ക്കല്‍, കല്ലുവാതുക്കല്‍, കുളക്കട, കൊറ്റങ്കര, പട്ടാഴി, മേലില പ്രദേശങ്ങളില്‍ നാലുവീതവും ചിതറ, പന്മന, വള്ളിക്കീഴ് ഭാഗങ്ങളില്‍ മൂന്നുവീതവുമാണ് രോഗബാധിതരുള്ളത്. മറ്റ് സ്ഥലങ്ങളില്‍ രണ്ടും അതില്‍ താഴെയുമാണ് രോഗബാധിതര്‍.
