ഇടുക്കി: മാതൃക പെരുമാറ്റചട്ടം നടപ്പാക്കുന്നതിന്റെ ഭാഗമായി പൊതു ഇടങ്ങളില്‍ സ്ഥാപിച്ചിരിക്കുന്നതും സ്വകാര്യ ഇടങ്ങളില്‍ അനധികൃതമായി സ്ഥാപിച്ചിരിക്കുന്നതുമായ വിവിധ രാഷ്ട്രീയ പാര്‍ട്ടികളുടെ ബോര്‍ഡുകള്‍, പോസ്റ്ററുകള്‍, ബാനറുകള്‍ എന്നിവ ബന്ധപ്പെട്ട രാഷ്ട്രീയ പാര്‍ട്ടികളുടെ പ്രതിനിധികള്‍, പ്രവര്‍ത്തകര്‍ തന്നെ നീക്കം ചെയ്യണമെന്ന് ജില്ലാ വരണാധികാരി ഉത്തരവിട്ടു. പൊതുസ്വകാര്യ ഇടങ്ങളില്‍ സ്ഥാപിച്ചിരിക്കുന്ന ബോര്‍ഡുകള്‍, പോസ്റ്ററുകള്‍, ബാനറുകള്‍ എന്നിവ നീക്കം ചെയ്യുന്നതിന് ആന്റി ഡീഫെയ്‌മെന്റ് സ്‌ക്വാഡിന് രൂപം നല്‍കിയിട്ടുണ്ട്. ഈ സ്‌ക്വാഡ് മുഖേന നീക്കം ചെയ്യേണ്ടി വന്നാല്‍ അതിന്റെ ചെലവു തുക ബന്ധപ്പെട്ടവരുടെ തിരഞ്ഞെടുപ്പ് ചിലവായി കണക്കാക്കും.
