മലപ്പുറം: ജില്ലയില് ഇന്ന് (ഏപ്രില് നാല്) ആരോഗ്യമേഖലയില് പ്രവര്ത്തിക്കുന്ന ഒരാളുള്പ്പടെ 240 പേര്ക്ക് കോവിഡ് 19 സ്ഥിരീകരിച്ചതായി ജില്ലാ മെഡിക്കല് ഓഫീസര് ഡോ. കെ. സക്കീന അറിയിച്ചു. ഇതില് ഉറവിടമറിയാതെ മൂന്ന് പേര്ക്കും നേരിട്ടുള്ള സമ്പര്ക്കത്തിലൂടെ 228 പേര്ക്കുമാണ് വൈറസ് ബാധയുണ്ടായത്. കൂടാതെ വിദേശത്ത് നിന്നെത്തിയ രണ്ട് പേര്ക്കും ഇതര സംസ്ഥാനത്ത് നിന്നെത്തിയ ആറ് പേര്ക്കും ഇന്ന് രോഗം സ്ഥിരീകരിച്ചിട്ടുണ്ട്.
203 പേര് കൂടി ഇന്ന് രോഗമുക്തരായതായതോടെ ജില്ലയില് ഇതുവരെ കോവിഡ് മുക്തരായവരുടെ എണ്ണം 1,21,838 ആയി. 18,258 പേരാണ് ഇപ്പോള് ജില്ലയില് നിരീക്ഷണത്തിലുള്ളത്. 1,750 പേര് വിവിധ ചികിത്സാ കേന്ദ്രങ്ങളില് നിരീക്ഷണത്തിലുണ്ട്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 159 പേരും വിവിധ കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 59 പേരും ഏഴ് പേര് കോവിഡ് സെക്കന്ഡ് ലൈന് ട്രീറ്റ്മെന്റ് സെന്ററുകളിലുമാണ്. ശേഷിക്കുന്നവര് വീടുകളിലും കോവിഡ് കെയര് സെന്ററുകളിലുമായി നിരീക്ഷണത്തില് കഴിയുകയാണ്. ഇതുവരെ 609 പേരാണ് കോവിഡ് ബാധിതരായി ജില്ലയില് മരിച്ചത്.
ഏതെങ്കിലും വിധത്തിലുള്ള ആരോഗ്യ പ്രശ്നങ്ങളുണ്ടായാല് ഒരു കാരണവശാലും നേരിട്ട് ആശുപത്രികളില് പോകാതെ ജില്ലാതല കണ്ട്രോള് സെല്ലില് വിളിച്ച് ലഭിക്കുന്ന നിര്ദേശങ്ങള് പൂര്ണമായും പാലിക്കേണ്ടതാണ്. ജില്ലാതല കണ്ട്രോള് സെല് നമ്പറുകള്: 0483 2737858, 2737857, 2733251, 2733252, 2733253.