ഇടുക്കി: കോവിഡ് പ്രതിരോധത്തില്‍ മുന്നണി പോരാളികളായ പ്രവര്‍ത്തിക്കുന്ന ആംബുലന്‍സ് ഡ്രൈവര്‍മാരെയും, ആശുപത്രി ശുചീകരണ തൊഴിലാളികളെയും, ശ്മശാന ജീവനക്കാരെയും ആദരിച്ചു.സ്റ്റുഡന്റ് പോലീസ് കേഡറ്റ് പദ്ധതി, കേരള ബേക്കേഴ്സ് അസോസിയേഷന്‍, നന്മ ചാരിറ്റബിള്‍ ട്രസ്റ്റ് എന്നീ സംഘടനകളുടെ സംയുക്താഭിമുഖ്യത്തിലായിരുന്നു ആദരിക്കല്‍.
തൊടുപുഴ ജില്ലാ ആശുപത്രിയില്‍ സംഘടിപ്പിച്ച ചടങ്ങ് ആശുപത്രി ആര്‍എംഒ ഡോ. സി.ജെ. പ്രീതി ഉദ്ഘാടനം ചെയ്തു. ബേക്കേഴ്സ് അസോസിയേഷന്‍ ജില്ലാ സെക്രട്ടറി സജി പോളിന്റെ അധ്യക്ഷതയില്‍ നടന്ന യോഗത്തില്‍ തൊടുപുഴ ഡിവൈഎസ്പി റ്റി. രാജപ്പന്‍, ഇടുക്കി ജില്ലാ എസ്പിസി അസിസ്റ്റന്റ് നോഡല്‍ ഓഫീസര്‍ എസ്.ആര്‍. സുരേഷ് ബാബു, ആശുപത്രി സ്റ്റാഫ് സെക്രട്ടറി രഘു കെ.ആര്‍., എസ്പിസി സബ്ഡിവിഷന്‍ കോ-ഓര്‍ഡിനേറ്റര്‍ പി.എം സുനില്‍ എന്നിവര്‍ സംസാരിച്ചു. ചടങ്ങിന്റെ ഭാഗമായി ജീവനക്കാര്‍ക്ക് ഭക്ഷ്യധാന്യ കിറ്റും മധുരപലഹാര കിറ്റും കൈമാറി.
ഫോട്ടോ
സ്റ്റുഡന്റ്സ് പോലീസും നന്മ ഫൗണ്ടേഷനും ബേക്കറി അസോസിയേഷനും ചേര്‍ന്ന് തൊടുപുഴ ജില്ലാ ആശുപത്രിയില്‍ നടന്ന ചടങ്ങില്‍ കോവിഡ് പോരാളികളെ ഡിവൈ.എസ് പി, ടി ടി രാജപ്പന്‍ ആദരിക്കുന്നു