പട്ടികജാതി വികസന വകുപ്പിന്റെ കീഴില്‍ പ്രവര്‍ത്തിക്കുന്ന നീലേശ്വരം പേരോല്‍ വള്ളിക്കുന്നിലെ ഗവ. ഐട.ഐയില്‍ എന്‍.സി .വി.ടി പാഠ്യപദ്ധതിയനുസരിച്ചുള്ള നാലു സെമസ്റ്റര്‍ (ദ്വിവത്സര) മെട്രിക്ക് ട്രേഡായ ഡ്രാഫ്റ്റ്മാന്‍ സിവില്‍ കോഴ്‌സില്‍ ആഗസ്തില്‍ ആരംഭിക്കുന്ന  പരിശീലനത്തിനായി അപേക്ഷ ക്ഷണിച്ചു. ആകെ സീറ്റുകളുടെ 80 ശതമാനം പട്ടികജാതി, 10 ശതമാനം പട്ടികവര്‍ഗം, 10 ശതമാനം മറ്റു വിഭാഗം അപേക്ഷകര്‍ക്കുമായി സംവരണം ചെയ്തിരിക്കുന്നു.പ്രവേശനം ലഭിക്കുന്ന പട്ടികജാതി-പട്ടികവര്‍ഗക്കാര്‍ക്ക് പരിശീലന കാലയളവില്‍ ഒന്നാം വര്‍ഷം 820 രൂപയും,രണ്ടാം വര്‍ഷം 630 രൂപയും ലംപ്‌സം ഗ്രാന്റും,630 രൂപ നിരക്കില്‍ പ്രതിമാസ സ്റ്റൈപ്പന്റും നല്‍കും.  ഹോസ്റ്റലില്‍ താമസിക്കു പട്ടികജാതി-പട്ടികവര്‍ഗ്ഗ പരിശീലനാര്‍ത്ഥികള്‍ക്ക് 1500 രൂപ ഹോസ്റ്റല്‍ ഫീസിനത്തില്‍ നല്‍കും. കൂടാതെ പ്രവേശനം ലഭിക്കു മുഴുവന്‍ പരിശീലനാര്‍ത്ഥികള്‍ക്കും ഉച്ച ഭക്ഷണവും,മുട്ട, പാല്‍ എന്നിവയും നല്‍കും. അപേക്ഷ ഫോറം നീലേശ്വരം ഗവ.ഐ.ടി.ഐ യില്‍ നിന്നും സൗജന്യമായി ലഭിക്കും. പൂരിപ്പിച്ച അപേക്ഷ ഫോറം ബന്ധപ്പെട്ട രേഖകളുടെ പകര്‍പ്പുകള്‍ സഹിതം ഈ മാസം 25ന് 5 മണിക്കകം നീലേശ്വരം ഗവ.ഐ.ടി.ഐ സൂപ്രണ്ടിന് സമര്‍പ്പിക്കണം. ഫോണ്‍: 04672-284004