കല്‍പ്പറ്റ: വായനാവാരാഘോഷത്തിന്റെ ഭാഗമായി ജില്ലാ ഇന്‍ഫര്‍മേഷന്‍ ആന്ഡ് പബ്ലിക് റിലേഷന്‍ ഡിപ്പാര്‍ഡ്‌മെന്റ് കളക്ടറേറ്റില്‍ സംഘടിപ്പിച്ച പുസ്‌കതമേള ശ്രദ്ധേയമാകുന്നു. വിവിധ വിഭാഗങ്ങളിലായി ആയിരത്തോളം പുസ്തകങ്ങളാണ് മേളയില്‍ ഒരുക്കിയിരിക്കുന്നത്. കല്‍പ്പറ്റ മുന്‍സിപ്പല്‍ ചെയര്‍പേഴ്‌സണ്‍ സനിത ജഗദീഷ് എഡിഎം കെ.എം രാജുവിന് ആദ്യപുസ്തകം നല്‍കികൊണ്ട് മേള ഉദ്ഘാടനം ചെയ്തു. മാതൃഭുമി ബുക്ക്‌സ്, ഡിസി ബുക്ക്‌സ്, പൂര്‍ണ്ണ പബ്ലിക്കേഷന്‍ തുടങ്ങിയവരുടെ പുസ്തകങ്ങളാണ് മേളയിലെ പ്രധാന ആകര്‍ഷണം. കുട്ടികള്‍ക്കുള്ള പുസ്തകങ്ങളും ഒരുക്കിയിട്ടുണ്ട്. കൂടാതെ പി.ആര്‍.ഡിയുടെ പ്രസിദ്ധീകരണങ്ങളും മേളയില്‍ ലഭ്യമാക്കിയിട്ടുണ്ട്. തിരഞ്ഞെടുത്ത പുസ്തകങ്ങള്‍ക്ക് 10 മുതല്‍ 20 വരെ കിഴിവുകളും ലഭിക്കും. കളക്ടറേറ്റില്‍ സ്ഥിതി ചെയ്യുന്ന ഐ ആന്ഡ് പി.ആര്‍.ഡി ഓഫീസിനു മുന്നിലൊരുക്കിയ പുസ്തകമേള 23 വൈകീട്ട് സമാപിക്കും. പ്രവേശനം സൗജന്യമാണ്. ഉദ്ഘാടന ചടങ്ങില്‍ ജില്ലാ ഇന്‍ഫര്‍മേഷന്‍ ഓഫീസര്‍ കെ.പി. അബ്ദുല്‍ ഖാദര്‍, എഡിസി പി.സി. മജീദ്, മണ്ണ് സംരക്ഷണ വകുപ്പ് ഓഫീസര്‍ പി.യു. ദാസ്, സാക്ഷരതാ മിഷന്‍ ജില്ലാ കോര്‍ഡിനേറ്റര്‍ പി.എന്‍. ബാബു തുടങ്ങിയവര്‍ പങ്കെടുത്തു.
