കാസർഗോഡ്: കേരള മദ്രസ അധ്യാപക ക്ഷേമനിധിയിലെ അംഗങ്ങള്‍ അംശാദായം സബ് പോസ്റ്റ് ഓഫീസുകള്‍ വഴി ഓണ്‍ലൈനായി മാത്രമേ അടയ്ക്കാവുവെന്ന് ചെയര്‍മാന്‍ എം.പി. അബ്ദുള്‍ ഗഫൂര്‍ അറിയിച്ചു. പ്രതിമാസം 100 രൂപ നിരക്കില്‍ വര്‍ഷത്തില്‍ ഒന്നിച്ചോ തവണകളായോ അടയ്ക്കാം. ക്ഷേമനിധി ഓഫീസ് നേരിട്ട് അംശാദായം സ്വീകരിക്കില്ല. അംശാദായം സ്വീകരിക്കുന്നതിന് ബോര്‍ഡ് വ്യക്തികളോയാ യൂണിയനുകളെയോ ചുമതലപ്പെടുത്തിയിട്ടില്ല.
കോഴിക്കോട് ചക്കോരത്തുകുളത്തുള്ള ഓഫീസ് ആണ് ബോര്‍ഡിന്റെ ആസ്ഥാനം ക്ഷേമനിധിയില്‍ അംഗങ്ങളായവരുടെ അംശദായം അടയ്ക്കുന്നതിനും യൂണിയനില്‍ ചേര്‍ക്കുന്നതിനുമായി അംഗങ്ങളില്‍ നിന്ന് ചിലര്‍ വന്‍തുക ഈടാക്കുന്നതായി ശ്രദ്ധയില്‍പ്പെട്ടിട്ടുണ്ടെന്നും ക്ഷേമനിധിയില്‍ അംഗങ്ങള്‍ ആയവര്‍ക്കായി പ്രത്യേക ഏജന്‍സിയോ യൂണിയനോ ഇതുവരെ തുടങ്ങിയിട്ടില്ലെന്നും ചെയര്‍മാന്‍ അറിയിച്ചു.