മലപ്പുറം: ജില്ലയില് തിങ്കളാഴ്ച (2021 സെപ്തംബര് ആറ്) 1,695 പേര്ക്ക് കോവിഡ് 19 സ്ഥിരീകരിച്ചതായി ജില്ലാ മെഡിക്കല് ഓഫീസര് ഡോ. കെ. സക്കീന അറിയിച്ചു. 16.51 ശതമാനമാണ് ഈ ദിവസത്തെ ടെസ്റ്റ് പോസിറ്റീവിറ്റി നിരക്ക്. 1,606 പേര്ക്ക് രോഗികളുമായി നേരിട്ടുള്ള സമ്പര്ക്കത്തിലൂടെയും 25 പേര്ക്ക് ഉറവിടമറിയാതെയുമാണ് വൈറസ് ബാധ. കൂടാതെ ഇതര സംസ്ഥാനങ്ങളില് നിന്ന് ജില്ലയിലെത്തിയ 64 പേര്ക്കും രോഗം സ്ഥിരീകരിച്ചിട്ടുണ്ട്. 3,144 പേരാണ് തിങ്കളാഴ്ച ജില്ലയില് രോഗമുക്തരായത്. ഇതോടെ ജില്ലയില് കോവിഡ് വിമുക്തരായി സാധാരണ ജീവിതത്തിലേക്ക് തിരിച്ചെത്തിയവരുടെ എണ്ണം 4,79,154 ആയി.
76,141 പേരാണ് ജില്ലയില് ഇപ്പോള് നിരീക്ഷണത്തില് കഴിയുന്നത്. 31,452 പേര് വിവിധയിടങ്ങളിലായി ചികിത്സയില് കഴിയുകയാണ്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 800 പേരും കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 387 പേരും 141 പേര് കോവിഡ് സെക്കന്ഡ് ലൈന് ട്രീറ്റ്മെന്റ് സെന്ററുകളിലുമാണ്. തദ്ദേശഭരണ സ്ഥാപനങ്ങള്ക്കു കീഴിലുള്ള പ്രത്യേക താമസ കേന്ദ്രങ്ങളായ ഡൊമിസിലിയറി കെയര് സെന്ററുളില് 205 പേരും ശേഷിക്കുന്നവര് വീടുകളിലും നിരീക്ഷണത്തില് കഴിയുകയാണ്.