മലപ്പുറം: ജില്ലയില് വ്യാഴാഴ്ച (2021 സെപ്തംബര് 30) 942 പേര്ക്ക് കോവിഡ് 19 സ്ഥിരീകരിച്ചതായി ജില്ലാ മെഡിക്കല് ഓഫീസര് ഡോ. കെ. സക്കീന അറിയിച്ചു. 10.29 ശതമാനം ടെസ്റ്റ് പോസിറ്റീവിറ്റി നിരക്ക് രേഖപ്പെടുത്തിയ ജില്ലയില് 924 പേര്ക്ക് നേരിട്ടുള്ള സമ്പര്ക്കത്തിലൂടെയും 11 പേര്ക്ക് ഉറവിടമറിയാതെയുമാണ് വൈറസ് ബാധിച്ചത്. ഇതര സംസ്ഥാനങ്ങളില് നിന്നെത്തിയ ഏഴ് പേര്ക്കും വൈറസ് ബാധ സ്ഥിരീകരിച്ചിട്ടുണ്ട്. 1,440 പേരാണ് ഈ ദിവസം കോവിഡ് മുക്തരായത്. ഇതോടെ ജില്ലയില് കോവിഡ് മുക്തരായവരുടെ എണ്ണം 5,34,847 ആയി.
40,208 പേരാണ് ജില്ലയില് നിലവില് നിരീക്ഷണത്തില് കഴിയുന്നത്. 13,019 പേരാണ് ചികിത്സയിലുള്ളത്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 721 പേരും കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 152 പേരും 93 പേര് കോവിഡ് സെക്കന്റ് ലൈന് ട്രീറ്റ്മെന്റ് സെന്ററുകളിലുമാണ്. തദ്ദേശസ്വയംഭരണ സ്ഥാപനങ്ങള്ക്കു കീഴിലുള്ള പ്രത്യേക താമസ കേന്ദ്രങ്ങളായ ഡൊമിസിലിയറി കെയര് സെന്ററുളില് 34 പേരും ശേഷിക്കുന്നവര് വീടുകളിലുമാണ് കഴിയുന്നത്.