മലപ്പുറം ജില്ലയില് ശനിയാഴ്ച (2021 ഒക്ടോബര് 30) ആരോഗ്യമേഖലയില് പ്രവര്ത്തിക്കുന്ന ഒരാള്ക്കുള്പ്പടെ 394 പേര്ക്ക് കോവിഡ് 19 സ്ഥിരീകരിച്ചതായി ജില്ലാ മെഡിക്കല് ഓഫീസര് ഡോ. കെ. സക്കീന അറിയിച്ചു. രോഗബാധ സ്ഥിരീകരിച്ചവരില് 368 പേര്ക്ക് നേരത്തെ രോഗബാധയുണ്ടായവരുമായുള്ള സമ്പര്ക്കത്തിലൂടെയാണ് വൈറസ്ബാധയുണ്ടായത്. ആറ് പേര്ക്ക് വൈറസ് ബാധിച്ചതിന്റെ ഉറവിടം വ്യക്തമായിട്ടില്ല. കൂടാതെ വിദേശത്ത് നിന്നെത്തിയ ഒരാള്ക്കും ഇതര സംസ്ഥാനങ്ങളില് നിന്നെത്തിയ 18 പേര്ക്കും രോഗം സ്ഥിരീകരിച്ചിട്ടുണ്ട്. 6.55 ശതമാനമാണ് ജില്ലയിലെ കോവിഡ് ടെസ്റ്റ് പോസിറ്റീവിറ്റി നിരക്ക്. 503 പേരാണ് ശനിയാഴ്ച കോവിഡ് മുക്തരായത്. ഇതോടെ ജില്ലയില് കോവിഡ് മുക്തരായവരുടെ എണ്ണം 5,59,491 ആയി.
ജില്ലയില് നിലവില് 23,338 പേരാണ് നിരീക്ഷണത്തില് കഴിയുന്നത്. 5,242 പേര് വിവിധ കേന്ദ്രങ്ങളിലായി ചികിത്സയില് കഴിയുകയാണ്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 426 പേരും കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് അഞ്ച് പേരും 19 പേര് കോവിഡ് സെക്കന്റ് ലൈന് ട്രീറ്റ്മെന്റ് സെന്ററുകളിലുമാണ്. ശേഷിക്കുന്നവര് വീടുകളിലും മറ്റു കേന്ദ്രങ്ങളിലുമായി നിരീക്ഷണത്തില് കഴിയുന്നു.