വൈപ്പിൻ: ഫോക്ക്‌ലോർ ഫെസ്റ്റിന്റെ ഭാഗമായി പുരാരേഖ പ്രദർശനം നടക്കും. പുരാരേഖ വകുപ്പിന്റെ ആഭിമുഖ്യത്തിൽ 29,30,31 തീയതികളിൽ ചെറായി എസ്എംഎച്ച്എസ്എസിലാണ് പ്രദർശനം. ദിവസവും രാവിലെ പത്തുമുതൽ വൈകുന്നേരംവരെ പ്രദർശനം കാണാൻ അവസരമുണ്ടാകും.

നാളെ ഫോക്ക്‌ലോർ വാക്കത്തോൺ, ബീച്ച് ശുചീകരണം, അഖിലകേരള ബീച്ച്ഗുസ്‌തി മത്സരം എന്നിവ നടക്കും. ഗ്രേറ്റർ കൊച്ചി സ്പോർട്ട്സ് ഫോറത്തിന്റെ സഹകരണത്തോടെ കുഴുപ്പിള്ളി ബീച്ചിലാണ് പരിപാടികൾ. രാവിലെ 8.30നു പള്ളത്താംകുളങ്ങര ജംഗ്‌ഷനിൽ നിന്നാരംഭിക്കുന്ന വാക്കത്തോൺ ബീച്ചിൽ സമാപിക്കും.

തുടർന്ന് ഒൻപതിന് ബീച്ച് ശുചീകരണം. വൈകുന്നേരം മൂന്നിന് ബീച്ച്‍ഗുസ്‌തി മത്സരം ആരംഭിക്കും. 50 പേർ പങ്കെടുക്കും. സമാപനസമ്മേളനത്തിൽ പി വി ശ്രീനിജൻ എംഎൽഎ മുഖ്യാതിഥിയാകും.

കുഴുപ്പിള്ളി ബീച്ചിൽ തുടരുന്ന ഭക്ഷ്യ – വിപണന മേളയോടനുബന്ധിച്ച് ഇന്ന് വൈകുന്നേരം മുതൽ കൈകൊട്ടിക്കളി ഉൾപ്പെടെ വിവിധ കലാപരിപാടികൾ അരങ്ങേറും.വളപ്പ് ബീച്ചിലും അമ്യൂസ്മെന്റ് കേന്ദ്രത്തോടൊപ്പം വിവിധ കലാവതരണങ്ങൾ ഉണ്ടാകും