ജില്ലാ സഹകരണ ബാങ്കിന്റെ അടൂർ ശാഖയിൽ നിന്ന് വായ്പ എടുത്ത് വീട് ജപ്തി ചെയ്ത  ചൂരക്കോട് സ്വദേശി ഗ്രേസിന്റെ വീട് ഡെപ്യൂട്ടി സ്പീക്കർ ചിറ്റയം ഗോപകുമാർ സന്ദർശിച്ചു. അച്ഛനും അമ്മയും മരണപ്പെടുകയും ഏകാകിയായി മാറുകയും ചെയ്ത ഗ്രേസിന് സ്നേഹ സ്പർശമായി മാറി ഡെപ്യൂട്ടി സ്പീക്കറുടെ സന്ദർശനം. അച്ഛന്റെയും അമ്മയുടെയും ചികിത്സയ്ക്കായി അച്ഛൻ എടുത്ത വായ്പ തിരിച്ചടയ്ക്കാൻ മാർഗമില്ലാതെ ഗ്രേസ് ബുദ്ധിമുട്ടുകയാണ് എന്നറിഞ്ഞായിരുന്നു ഡെപ്യൂട്ടി സ്പീക്കർ എത്തിയത്.

ഡെപ്യൂട്ടി സ്പീക്കർ ഗ്രേസിനെ വീട്ടിൽ പോയി സന്ദർശിക്കുകയും എല്ലാ ബാധ്യതകളും തീർക്കുന്നതിനായി ബന്ധപ്പെട്ട വകുപ്പുമായി ആലോചിച്ച് അടിയന്തര നടപടി സ്വീകരിക്കുമെന്ന് ഉറപ്പു നൽകുകയും ചെയ്തു. ഗ്രേസിന്റെ വിദ്യാഭ്യാസവുമായി ബന്ധപ്പെട്ട എല്ലാ ചെലവുകളും  ഡെപ്യൂട്ടി സ്പീക്കർ ചിറ്റയം ഗോപകുമാർ ഏറ്റെടുക്കുമെന്ന്  ഉറപ്പു നൽകുകയും ചെയ്തു. ഗവൺമെന്റുമായി ബന്ധപ്പെട്ട് എല്ലാ സഹായങ്ങളും ഉറപ്പ് നൽകിയാണ് ഡെപ്യൂട്ടി സ്പീക്കർ മടങ്ങിയത്.