എടയാറ്റുചാലിലെ കൊയ്ത്തുത്സവം കടുങ്ങല്ലൂർ എരമത്ത് വ്യവസായ വകുപ്പ് മന്ത്രി പി.രാജീവ് ശനിയാഴ്ച രാവിലെ 10 ന് ഉദ്ഘാടനം ചെയ്യും. ചടങ്ങിൽ ജില്ലാ പഞ്ചായത്ത് പ്രസിഡന്റ് ഉല്ലാസ് തോമസ് കർഷകരെ ആദരിക്കും. കൊയ്ത്തുത്സവത്തിന് നിറം പകരാൻ തെയ്യം , ചാക്യാർകൂത്ത്, നാടൻ പാട്ട്, കർഷക നൃത്തം തുടങ്ങിയവയും അരങ്ങേറും.
കടുങ്ങല്ലൂർ ഗ്രാമ പഞ്ചായത്ത് പ്രസിഡന്റ് സുരേഷ് മുട്ടത്തിൽ അദ്ധ്യക്ഷത വഹിക്കുന്ന ചടങ്ങിൽ ആലങ്ങാട് ബ്ലോക്ക് പഞ്ചായത്ത് പ്രസിഡന്റ് രമ്യ തോമസ് മുഖ്യപ്രഭാഷണം നടത്തും. പദ്ധതി വിശദീകരണം പ്രിൻസിപ്പൽ കൃഷി ഓഫീസർ ഇ. എം. ബബിത നിർവഹിക്കും. ജനപ്രതിനിധികൾ, ഉദ്യോഗസ്ഥർ തുടങ്ങിയവർ പങ്കെടുക്കും.