ചോറോട് ഗ്രാമപഞ്ചായത്തിലെ പട്ടികജാതി വിദ്യാർഥികൾക്കും മത്സ്യത്തൊഴിലാളികളുടെ മക്കൾക്കും ലാപ്ടോപ്പുകൾ വിതരണം ചെയ്തു. വിതരണോദ്ഘാടനം പഞ്ചായത്ത് പ്രസിഡന്റ് പി.പി ചന്ദ്രശേഖരൻ നിർവഹിച്ചു. വൈസ് പ്രസിഡന്റ് രേവതി പെരുവാണ്ടിയിൽ അധ്യക്ഷയായി. 2021-22 വാർഷിക പദ്ധതിയിൽ ഉൾപ്പെടുത്തി 26 ലാപ്ടോപ്പുകളാണ് വിതരണം ചെയ്തത്.

പഞ്ചായത്ത് സെക്രട്ടറി പി. സുധീർ, പഞ്ചായത്ത് അംഗങ്ങളായ കെ. മധുസൂദനൻ, സി. നാരായണൻ, ശ്യാമള പൂവ്വേരി, പുഷ്പ മഠത്തിൽ, വി.പി. അബൂബക്കർ, പ്രിയങ്ക, ഐ.സി.ഡി.എസ് സൂപ്പർവൈസർ സീന എന്നിവർ ചടങ്ങിൽ പങ്കെടുത്തു.