ഉന്നത വിദ്യാഭ്യാസ സാമൂഹ്യ നീതി മന്ത്രി ഡോ.ആർ ബിന്ദുവിന്റെ നേതൃത്വത്തിൽ ഇരിങ്ങാലക്കുട പെരുവല്ലിപ്പാടം സ്വദേശി ഗുരുവിലാസം സ്മിത ചന്ദ്രന് സ്വന്തമായി വീടെന്ന സ്വപ്നം യഥാർത്ഥ്യമാകുന്നു. സ്നേഹ ഭവന പദ്ധതിയുടെ നിർമ്മാണോദ്ഘാടനം മന്ത്രി കൊരിമ്പിശ്ശേരിയിൽ നിർവഹിച്ചു. നാഷണൽ സർവീസ് സ്കീം ടെക്നിക്കൽ സെല്ലും ജനകീയ സമിതിയും സംയുക്തമായാണ് സ്നേഹ ഭവനം നിർമ്മിച്ച് നൽകുന്നത്.
സുരക്ഷിതത്വത്തോടെ സ്വന്തമായൊരു വീടെന്ന സാധാരണക്കാരന്റെ സ്വപ്നമാണ് മന്ത്രിയുടെ ഇടപെടലിനെ തുടർന്ന് പൂവണിയുന്നത്. വിദ്യാർത്ഥികൾ, അധ്യാപകർ, സാമൂഹ്യപ്രതിബദ്ധതയുള്ള പൊതുജനങ്ങൾ എന്നിവരുടെ കൂട്ടായ പരിശ്രമത്തിലൂടെയാണ് സ്നേഹ ഭവനം ഒരുങ്ങുന്നത്.