സാമൂഹ്യനീതി വകുപ്പ് നടപ്പാക്കി വരുന്ന പ്രോബേഷന്‍ സേവനങ്ങളുടെ ഭാഗമായുള്ള ധനസഹായത്തിന് അപേക്ഷ ക്ഷണിച്ചു. മുന്‍കുറ്റവാളികള്‍, പ്രൊബേഷണര്‍മാര്‍, തടവുകാരുടെ ആശ്രിതര്‍ എന്നിവര്‍ക്കുള്ള സ്വയം തൊഴില്‍ ധനസഹായം, കുറ്റകൃത്യങ്ങള്‍ക്കിരയായി മരണപ്പെട്ടവരുടെ ആശ്രിതരുടെയും, ഗുരുതര പരിക്ക് പറ്റിയവരുടെയും സ്വയംതൊഴില്‍ പുനരധിവാസ പദ്ധതി, കുറ്റകൃത്യങ്ങള്‍ക്കിരയായവരുടെ മക്കള്‍ക്കുള്ള ധനസഹായ പദ്ധതി, തടവുകാരുടെ പെണ്‍മക്കള്‍ക്കുള്ള വിവാഹ ധനസഹായ പദ്ധതി തുടങ്ങിയവയിലൂടെ ധനസഹായം ലഭിക്കും. അര്‍ഹരായവര്‍ സാമൂഹ്യനീതി വകുപ്പിന്റെ സുനീതി പോര്‍ട്ടല്‍ വഴി ഓണ്‍ലൈനായി അപേക്ഷിക്കണം. അപേക്ഷകള്‍ ലഭിക്കേണ്ട അവസാനതീയ്യതി സെപ്റ്റംബര്‍ 6. കൂടുതല്‍ വിവരങ്ങള്‍ക്ക് www.sjd.kerala.go.in എന്ന വെബ്‌സൈറ്റ് സന്ദര്‍ശിക്കുകയോ, തിരുവനന്തപുരം, ആറ്റിങ്ങല്‍ ജില്ലാ പ്രൊബേഷന്‍ ഓഫീസുകളുമായി ബന്ധപ്പെടുകയോ ചെയ്യുക.